Lionel Messi dhuroi spektakël mëngjesin e sotëm ndaj Galaxy në Los Angelos, para një tribune e mbushur me njerëz VIP të artit dhe sportit, mes tyre; Le Bron James, Selena Gomez, Gerald Butler, Liam Garrager, Leo di Caprio, Princi Harry dhe shumë të tjerë, që mbetën të mahnitur nga performanca e kampionit të botës.
Inter Miami është duke kaluar një moment të mirë dhe protagonistë janë ish-yjet e Barcelonës. Së fundmi skuadra e trajnerit Martino ka fituar me rezultatin 1-3 në transfertën e Los Angeles.
Protagonist në këtë sfidë ishin dyshja Lionel Messi dhe Jordi Alba, të cilët së bashku e Busquets janë duke dhuruar “show” dhe duke u treguar nga afër tifozëve në Amerikë se çfarë është “Barça-style” e të luajturit futboll. Sfida u zhbllokua në minutën e 14’ nga Farias, i cili u dha avantazhin miqve. Ndërsa në minutën e 51’ dyshja Messi-Alba dyfishuan avantazhin.
Në minutën e 83’ Messi dhuroi një tjetër asist, duke ndihmuar Campana-n të shënonte golin e tretë për Inter Miami-n. Los Angeles nga ana tjetër tentoi të reagojë dhe gjeti golin e vetëm të kësaj sfide në minutën e 90’ me Hollingshead.
Inter Miami me këtë rezultat ngjitet akoma më sipër dhe i afrohet vetëm me 8 pikë zonës së play-off për të luftuar për titullin kampion, teksa vendi i fundit i play-off mbahet nga Dynamo Huston, por skuadra e Messit ka dhe dy ndeshje mangut që duhet t’i zhvillojë.
