Lionel Messi nuk lodhet duke theksuar se periudha te PSG nuk ishte më e suksesshmja për të. Argjentinasi luajti për klubin francez të Ligue 1 në 2021-2023.
“Të kalosh te Inter Miami ishte një vendim familjar. Kemi kaluar dy vite të vështira në Paris. E vërteta është se nuk shkoi shumë mirë. Momentet më të lumtura për mua ishin udhëtimet në kombëtaren e Argjentinës, sepse atje u argëtova. Doja të isha te Inter Miami dhe të gjeja të njëjtën gjë”, tha Messi për Apple TV.
Kujtojmë se kontrata aktuale e Lionel Messit me Inter Miami është llogaritur deri në fund të vitit 2025.
