Lionel Messi ka shënuar golin e 900 në karrierën e tij. Sulmuesi argjentinas gjeti rrugën e rrjetës kundër Nashvilln në fazën e 1/8-ave të Concacaf Champions Ligë.
38-vjeçari ngriti siparin e golave me një goditje tokazi me të majtën nga brenda zonës në sfidën me eliminim direkt të këtij kompeticioni. Ky ishte goli i 81-të i Mesit me fanellën e Inter Majemit që nga momenti kur u transferua në MLS në vitin 2023.
8 herë fituesi i Topit të Artë ka shënuar më parë 672 gola me skuadrën e Barcelonës, 32 për PSG-në dhe 115 për Kombëtaren e Argjentinës.
Goli i 900-të i Messit erdhi 21 vite pasi realizoi golin e parë si profesionist me fanellën e Barcelonës kundër Albasetes në vitin 2005.
Mbetet për t’u parë nëse edhe ai ashtu si Kristiano Ronaldo do të deklarojë hapur se objektivi në karrierë është për të shënuar 1000 gola.
j.l./ dita
