Ilir Meta, në një intervistë për Report TV nga burgu, mohon në mënyrë kategorike të ketë pasur ndonjëherë në mend idenë e arratisjes. SPAK e quan krijesë të Edi Ramës dhe thotë se gjërat kanë ndryshuar nga 21 Nëntori i vitit të kaluar kur u gjetën disa telefona të bashkëpunëtorëve të tij të afërt.
Masën ekstreme të burgosjes së tij e quan pakt mes Edi Ramës dhe Altin Dumanit për t’i dhënë këtij të fundit një mandat tjetër 9-vjeçar siç e kanë kërkuar. Meta i përgjigjet dhe pyetjeve a ka frikë se në 2025 Partia e Lirisë me atë në burg do të shkojë për “skrap” dhe deklaratës së Kryemadhit se do të bënte krim pasioni për të.
Ai tha se Kryemadhi e tradhtoi kur dogji mandatet e deputetëve, duke e lënë atë vetëm përballë Ramës.
Keni kundërshtuar mënyrën e arrestimit, çfarë prisni nga ankimimi juaj? A kishit menduar të arratiseshit apo arrestimi ju gjeti të papërgatitur?
Mos vallë ju prisnit të duartrokisja rrëmbimin tim në mënyrën më banditeske, më të paligjshme dhe më antikushtetuese nga njerëz me maska, me armatim të rëndë, që s’pranojnë të identifikohen dhe që nuk paraqesin asnjë akt ndalimi apo shkresë zyrtare?
Sa për arratisjen, as ka ekzistuar kjo në imagjinatën time ndonjëherë dhe kjo ka qenë dëshira e atyre që kanë kryer këtë krim të rëndë për llogari të mafias ndërkombëtare që sot kontrollon shtetin tone të kapur dhe të dështuar.
Lidhja ime me Shqipërinë ka qenë dhe do mbetet e patjetërsueshme në të gjitha stinët dhe rrethanat.
Cilat janë provat tuaja përkundrejt akuzave për lobing, pastrim parash dhe korrupsion?
Është detyra e SPAK-ut të përmbushë barrën e provës. Por, nuk ekziston asnjë prove nga ana e SPAK kundër meje në fletërrufenë prej 165 faqesh të mbushur me intervista e dëshmi kontradiktore nga njerëz që kanë patur gjithmonë probleme me drejtësinë.
Ata janë të gjithë si ai bashkëpunëtori i policisë që u përdorur nga Narkopolicia për rrëmbimin
Pse sipas jush SPAK nuk po bën detyrën, por mbron vetëm Edi Ramën?
Pse na habisni me pyetje të tilla? Kur të gjithë prisnin që SPAK të hetonte dosjen 184 të manipulimit të zgjedhjeve në Dibër, SPAK-u ia kaloi për competence prokurorisë së rrethit.
Kjo ishte dosja që tronditi Europën, Parlamentin Europian që vuri kusht hetimin e saj, Bundestagun, etj.
Por SPAK-u, kjo krijesë e Edi Ramës s’mund të hetonte Edi Ramën.
Kur dy kolegët tuaj zbuluan skandalin e patronazhistëve me abuzimin me të dhënat e qytetarëve në prag të zgjedhjevetë 2021, SPAK nuk nisi hetimin e Qeverisë dhe AKSH për shkeljen e ligjit por iu turr dy kolegëve tuaj pse plasën këtë skandal të madh që dëshmonte se si shteti planifikonte të intimidonte qytetarët për t’ju kontrolluar votën.
Kur opozita denoncoi në SPAK zyrtarët e lartë të PS dhe shtetit që mobilizonin bandat në Elbasan për të vjedhur e blerë votat, SPAK ia kaloi këtë çështje Prokurorisë së Elbasanit e cila ishte në konflikt të hapur interesi, pasi Prokurori i Elbasanit kishte vëllain në listën e PS për deputet.
Nga ky mosveprim me dashje i SPAK-ut kemi edhe tragjedinë dhe gjakderdhjen e Elbasanit në prag të zgjedhjeve.
Po sjellja antikushtetuese e SPAK me Prof.Dr Berishën, liderin e Partisë Demokratike duke shmangur Parlamentin dhe montuar akuza nga më absurdet kujt i shërbeu?
Ndërkohë që ndërruesit e destinacionit të Klubit Partizani, Edi Ramës, as emrin nuk guxon t’ia përmendë.
Apo harruat kërcënimin që Dumani i bëri ish-zëvendëskryeministrit Ahmetaj pasi ai denoncoi pronarët faktikë të inceneratorit të Tiranës, si edhe faktin se SPAK i di se ku janë 60 milion eurot por s’ka vullnet t’i gjurmojë.
SPAK për një autokombajnë shkul një fshat të tërë e sjell në Tiranë, ndërsa inceneratorin që nuk ekziston prej vitesh dhe që paguhet çdo ditë e quan krim intelektual, kur dihet që është grabitje pa maska e Edi Ramës dhe Erion Veliajt.
Po arrestimi im nga SPAK kujt i shërben?
A ka ndonjë rast që nuk i jam përgjigjur ftesave të SPAK-ut unë?
Çfarë provash mund të zhduk unë kur dihet se s’ka asnjë provë të tillë, por vetëm thashetheme, histori të inskenuara dhe intervista e deklarime të bëra prej shumë kohësh përpara se unë të zgjidhesha President nga Partia Socialiste në Pranverën e 2017?
Çështja CEZ-DIA është një histori gati 15-vjeçare e cila është gjykuar disa herë.
Po kështu këtë e ka rimarrë Dumani para 5 vitesh në Dhjetor 2019 në kulmin e përplasjeve të mia si President me Kryeministrin dhe McGonigalët që e mbështesnin për të kapur plotësisht edhe Gjykatën Kushtetuese, pasi e kishin kapur Prokurorinë në mënyrë antikushtetuese me 69 vota e bashkë me të edhe KLP dhe SPAK-un.
Po të kishin prova këta kishin vepruar me kohë pa u detyruar të bënin një akt tjetër shumë të rëndë menjëherë sapo unë dorëzova detyrën e Presidentit dhe mora drejtimin e Partisë së Lirisë duke falsifikuar dosjet e Sigurimit të Shtetit për të më nxjerrë nga politika në mënyrë po banditeske.
Sigurisht shumë gjëra kanë ndryshuar nga 21 Nëntori i vitit të kaluar kur ata gjetën disa telefona të bashkëpunëtorëve të mi të afërt.Por në ata telefona nuk ka asnjë gjë që më implikon mua, përkundrazi.
Më akuzon mua SPAK-u i Edi Ramës se paskam ndikuar në favor të një biznesmeni për të ndryshuar një ligj në Parlament, kur inicimin e këtij ligji e ka bërë deputetja e Edi Ramës. Po kështu dihet që kryetari i Kuvendit në procesin e ligjbërjes nuk ka asnjë rol, por ka vetëm një votë si 140 deputetët e tjerë. Plus si mund të votohej ai ligj pa 65 votat e Edi Ramës?
Është po ky SPAK që kur unë denoncoja si president ligjet që bënte me porosi me emra të përveçëm në Parlament Edi Rama, kthente përgjigje se nuk merrej me çështjet për të cilat kishte votime kolegjiale.
Ky është SPAK-u i standardeve të shumëfishta, pra shumëfytyrësh. Kujt i shërben bllokimi i hetimeve këtu për çështjen McGonigal? Si mund të hetojë Dumani mikun e tij McGonigal? Ata kanë nisur bashkë shumë punë për llogari të Edi Ramës.
A keni frikë se në 2025 Partia e Lirisë me ju në burg do të shkojë për “skrap” siç kishte dëshiruar prej vitesh Edi Rama?
Problemi është se po shkon për “skrap” Shqipëria dhe e ardhmja e saj përmes politikës së nxitur të shpopullimit nga Edi Rama dhe mafia ndërkombëtare sorosiane.
Problemi është se Edi Rama me vetëdije të plotë duke shkelur Kushtetutën e ligjet po çon për “skrap” çështjen e Detit duke bërë totalisht lojën e interesave greke, pavarësisht nga retorika teatrale që bën herë pas here.
Partia e Lirisë pavarësisht nga dëmet kolosale që ka pësuar që nga akti skandaloz i djegies së 19 mandateve dhe fryma e nepotizmit që mbizotëronte fatkeqësisht edhe në rini, pavarësisht nga marrja peng e disa prej ish-drejtuesve të saj nga SPAK dhe regjimi, do të dalë më e fortë në zgjedhjet e 2025.
Do skarcohen hipokritët e dyfytyrëshat e do afirmohen qëndrestarët e patriotët.
Nuk ka njeri që nuk e kupton se e vetmja arsye pse izolohet me këtë masë ekstreme Ilir Meta, President i Partisë së dytë opozitare në vend dhe ish-President i Republikës është një shërbim i neveritshëm që SPAK i bën Ramës që ky të marrë një mandat tjetër, por edhe ky t’u japë këtyre të SPAK-ut një mandat tjetër 9-vjeçar siç e kanë kërkuar.
Po kështu unë kam besim te të gjithë drejtuesit me integritet dhe patriot të Partisë së Lirisë se do të shumëfishojnë përpjekjet e tyre për të çuar përpara kauzat tona shumë të drejta dhe kombëtare.
Pastaj kjo është maratonë dhe do ta fitojmë për të shpëtuar Shqipërinë dhe shqiptarët nga kjo bandë që nuk njeh as Kushtetutë, as ligj, as të drejtat e njeriut dhe as llogaridhënie. Partia e Lirisë do të jetë gjithmonë një kështjellë e patriotizmit dhe interesit kombëtar.
Znj.Kryemadhi ka thënë që për ju mund të bënte krim pasioni, se ju ka dashur dhe do t’ju dojë. Ju pse keni refuzuar çdo takim me të? Apo është bërë Kryemadhi siç tha në Parlament, “mish për top”?
Koha e mashtrimeve ka përfunduar dhe më vjen keq që “mish për top” janë bërë dhjetëra mijëra shqiptarë të rinj që u larguan nga vendi dhe ishin pjesa më aktive e LSI dikur përpara se të digjeshin me pasion (jashtë çdo logjike dhe përgjegjshmërie) 19 mandatet e LSI për t’i dhuruar Edi Ramës të gjitha pushtetet dhe për ta lënë presidentin e Republikës të vetëm për dy vite e gjysëm të rrethuar nga një Parlament bandë që e kërcënonte çdo ditë për shkarkim vetëm pse mbronte Kushtetutën, Kosovën dhe Detin.
Shqipëria dhe sot është nën këtë regjim mafioz prej atij akti tragjik dhe të vetëdijshëm të drejtuesve të opozitës në atë kohë që vazhdojnë t’i shërbejnë regjimit kundër opozitës.
Si ndihet Ilir Meta në burg? Sa e vështirë është të jesh një “Ilir” në burg?
Ndihem shumë krenar që edhe këtu jam Ilir, pavarësisht nga izolimi ekstrem. M’u deshën 10 ditë për të marrë orën e dorës! Por prapë ushtrohem çdo ditë sepse kjo është Maratonë dhe do të dal shumë më i fortë edhe politikisht edhe fizikisht nga këtu. Malet tona më të larta edhe këtu.
j.l./ dita
Ne si popull e degjonim me ze dhe figure Moniken,qe therriste:-Nuk jam Ilir Meta Uneee!Jeni mesuar me Ilir Meten juveeee!Po kujtonim se e degjoje edhe ti,por benit shaka.Ti nuk paske degjuar Gje.
Ne e pame Moniken qe u versul ne Lezhe mbi trimat malesore,per t`ui rrembyer votat nga dora,por kujtuam se e dergove Ti!Ti nuk paske pasur gisht ne kete pune.
Kur Monika karderrja,hodhi ne kazanin e plerave plot 19 deputete,kujtuam se ishte Strategjia jote shahistike,qe fal gjithe figurat,per te kapur mat mbretin e kundershtarit.Ti,o Ilir nuk paske ditur gje fare!!!!!!!!!!!!!!!!!!!!!!
Kjo edhe kur qellonte me cizme Edi Ramen,luante porta a porta,I dergonte 450000 mije Euro,qe i ka pare Berisha.,.
Kur Ilir Meta betohej mbi kushtetute,si Myhib bektashjan mbi tyrben e Abaz Aliut,,kjo paska dorzuar gjithe celularet e Familjes Floriri,tek shtepia e semes,se do pastronte shtepine.
Edhe tani po ta hedh,..Ja,ne keto caste qe ti je ne banken e te akuzuarve dhe pret Vendimin e paraburgimit,,Kjo ka lene deren e gjykates gjysme te Hapur,qe te filmojne Kameramanet,,gjoja po jep intervisten:-Une do vrisja veten per Ilir Meten.
E ka bere si Besnikja me e Famshme Bashkeshortore-Ekaterina Madhe e Rusise,qe mbylli burrin ne Manastir dhe sherbimet Mreterore i bente vete. Ty o Ilir te mbyllen ne Presidence.
Likja qenka me frikacak se Saliu, te dy burreca dolen.
Likja ne burg shkruan per trimerite e tij, njesoj si ai qe doli 3 here nga rrethi kur i pallonin gruan.
E po me që ndihet i lirë dhe krenar në burg, atëhere vini dorën në zemër o njerëz, dhe mos bëni gabim ta nxirrni më prej andej.
Apo doni ti hiqni lirinë e r’i bjerë krenaria “presidentit më të mirë” të tranticionit pa fznd?
Liroheni, liroheni po si do ketë pastaj surrat t’i dalë përpara syve shokut Edvin dhe shokut Salih, apo të shkojë në Lalëz e të kollofisë ngjala me ta, ashtu pa krenari dhe pa liri?
Jo or, jo, punë që s’bëhet kjo!
Me pasurinë që mund t’i sekuestrohet Ilir Floririt mund të paguhen mbi një dekadë paga e pensionistëve ndërsa me floririn pothuaj 15 vite. Ja ku i gjeti qeveria shtimin e pensioneve. Nga sekuestrimi i pasurisë së Sali Berishës të ulet energjia elektrike 35%këtë ka bërë grabitja e horrave grabitqarë. Dhe kështu me radhë kthehet haka tek i zoti, përndryshe njërëzit duhet të mos votojnë, që pësimi t’ju bëhet mësim. Qytetarë mos votoni, të rrëmbehen pronat kriminelëve hajdut se nuk janë pak, dhe le të mbushet buxheti i shtetit me to dhe të ulet tvsh në 5%…,se boll jemi vjedhur. Mos votoni! Nëse votoni do ta pësoni më keq, vetëm vota ësht e drejta juaj, boll ju kanë tallur dhe poshtëruar! A e kuptoni sa poshtë kemi rënë!
Le pastaj sikur te sekuestrohen edhe pasurite e ciftit karministror Rama….. 25 vjet asnje shqiptar nuk do te kete nevoje te punoje,,,,,se sa per pensionistet do te sigurojne pension 900 euro ne muaj per 20 vjet rresht te garantuar
Shqipkaret si gjithmone kane qef te mbllaciten me llogjet e Ilirit dhe Monikes
Jane karte e djegur, o copa kellirash
Merruni me peshkun e madh qe tha Monika
Ai eshte koka e qelbit