Lufta ka rritur depresionin dhe zgjidhja mbetet alkooli. Por të paktën 30 persona kanë humbur jetën në pjesën perëndimore të Rusisë gjatë ditëve të fundit, pasi kishin konsumuar një pije alkoolike false, e cila i bëri ata të ndihen keq dhe më pas të shkojnë në spital.
Dyshohet për përzierjen e vodkës apo pijeve të tjera me Metanol, një substancë kimike helmuese që shkakton vdekje të shpejtë nëse nuk respektohet përqindja e përzierjes. Polonia në vitet 1990-2000 regjistroi dhjetëra raste të tilla. E shpjeguar ndryshe; nëse pini një teke alkool, përfundoni në koma dhe nëse bëhet dopio, atëherë s’keni shpëtim…
Sipas departamentit të shëndetësisë në rajonin Ulyanovsk region, ku u regjistruan dhe 20 viktimat e para, shkak për vdekjen e njerëzve mendohet të ketë qenë pija alkoolike e quajtur “Mister Cider”.
Ndërkohë që viktimat e tjera u regjistruan në Samara, Nizhny Novgorod dhe Udmurtia. Dhjetëra të tjerë janë ndjerë keq pasi kanë konsumuar këtë pije ilegale, por kanë arritur të shpëtojnë falë aksesit të shpejtë në spital.
Sipas mediave lokale në këtë pije alkoolike ka sasi të mëdha metanoli, i njohur ndryshe si alkooli i drurit, i cili është më toksik se etanoli i përdorur në pijet e tjera.
