Kryetari i Partisë së Lirisë Ilir Meta është shprehur i bindur se partia opozitare VMRO-DPMNE do të jetë fituese në zgjedhjet e ardhshme në Maqedoninë e Veriut.
Me anë të një postimi në Facebook, Meta shkruan se ishin vizioni dhe politikat e partisë së Nikola Gruevskit ato që e shndërruan Maqedoninë e Veriut, vendin e 10-të në botë dhe të 5-të në Europë për klimën e biznesit dhe investimet e huaja.
Kreu i PL shkruan se vendi fqinj do të vijojë i sigurt rrugën për integrimin euroatlantik, dhe se një garanci kyçe për këtë, pa dyshim që do të jenë shqiptarët.
Postimi i plotë:
Fitorja e pritshme e VMRO-DPMNE në zgjedhjet e afërta do t’i japë një dimension të ri zhvillimit ekonomik të Maqedonisë së Veriut në të ardhmen nga i cili do të përfitojnë të gjithë qytetarët e saj.
Të mos harrojmë se vizioni dhe politikat e saj në qeverisje e shndërruan Maqedoninë e Veriut, vendin e 10-të në botë dhe të 5-të në Europë për klimën e biznesit dhe investimet e huaja.
Falë vizionit të VMRO-DPMNE, Maqedonia e Veriut shpërtheu për rritjen e bujqësisë dhe blegtorisë duke e nisur me 10 milionë euro financim në vit e duke e çuar në 200 milionë euro.
Ekipi i ri i VMRO-DPMNE besoj se ka mësuar mjaftueshëm nga gabimet e bëra në të kaluarën dhe pasojat e nepotizmit, të cilat eklipsuan arritjet e jashtëzakonshme ekonomike dhe sociale.
Maqedonia e Veriut do të vazhdojë të ecë e sigurt në rrugën euro-atlantike dhe përsëri shqiptarët do të jenë garancia kyçe për këtë!
j.l./ dita
Po ndikim tek SPAK-u a do të ketë?! Politikan pervers që përdor politikën vetëm për interesat e veta! Mallkuar ata që të dhanë postet e pamerituara në dëm të Shqipërisë!
Kur vjen fundi……
Ky Ilir Meta ,me sa di une nuk ka ndonje problem serioz me SPAK.
Eshte e drejta e tij te jape mbeshtetje ne MV dhe neser te mare reston.
Kjo eshte politika.
Se hipen maje hekurave dhe ben stervitje ne palester si Chack Norris eshte I lidhur me shendetit mendor.E ka kuptuar qe dicka nuk shkon mire dhe ndjek keshillat e psikologut.