Gjykata e Korçës ka lënë në burg Aleko Myrtollarin, 46 vjeçari që plagosi me thikë bashkëshorten e tij.
Myrtollari ka shprehur pendesë për ngjarjen, ndërsa është shprehur se gruaja i kishte lënë fëmijët pa shkollë dhe se shpenzonte paratë e tij të cilat i kishte fituar në emigrim.
“Më mbetën fëmijët pa shkollë për shkak të gruas dhe nuk u edukuan mirë. Unë punoja jashtë shtetit, ajo prishte paratë e mia këtu dhe varte florinj në qafë. U pendova për krimin”, tha Myrtollari ndër të tjera.
