Ministri gjerman i Ekonomisë dhe Veprimit Klimatik, Robert Habeck, ka deklaruar e vendi ndodhet në prag të një krize energjitike, më saktë gazi. Këtë të enjte vendi njoftoi hyrjen në nivelin e dytë të alarmit për planin e emergjencës së gazit.
Në këtë nivel siguria e furnizimit është aktualisht e siguruar, por situata mbetet e tensionuar edhe nëse nuk e ndjejmë ende, ne jemi në mes të një krize gazi. Që tani, gazi është një aset që mungon. Nëse furnizimi vijon të bjerë dhe çmimet vijojnë të rriten, mund të krijohen valë që do të bënin dëm të pariparueshëm në tregun e energjisë, një efekt Lehman – Brother. I gjithë tregu është në rrezik kolapsi në një pikë të caktuar
ka thënë ai.
Gjermania është vendi që e ka ndjerë më shumë situatën e sanksioneve me Rusinë: ajo merrte 55% të gazit nga Rusia, ndërkohë që tani merr 40% dhe çmimet janë rritur me 24%.
o.p. / dita
