Ministri i Mbrojtjes së Serbisë, Millosh Vuçeviç deklaroi se situata në Kosovë është e tensionuar saqë incidenti më i vogël mund t’i çojë gjërat në drejtim të padëshirueshëm.
Sipas tij, kryeministri i Kosovës, Albin Kurti, është edhe një herë duke u dërguar mesazhe serbëve se nuk janë të mirëseardhur, shkruan RTS.
“Gjithçka që dëshiron Kurti është që Kosova tërësisht të pastrohet nga serbët. Komandanti i KFOR-it është në komunikim të vazhdueshëm me Shtabin e Përgjithshëm të Ushtrisë Serbe dhe KFOR-i është i vetëdijshëm për obligimet e tij, është garantues i paqes dhe është i obliguar që të mbrojë të gjithë qytetarët në Kosovë, pavarësisht nga kombësia”, theksoi ai.
Vuçeviç shtoi se Serbia po bën gjithçka që problemet me Prishtinën t’i zgjidhë përmes dialogut, sepse kjo është zgjidhja e vetme racionale.
Në Mitrovicën e Veriut kanë ndodhur dy shpërthime në mbrëmjen e 7 dhjetorit.
Drejtori i Policisë së Kosovës për rajonin e Mitrovicës së Veriut, Besim Hoti, tha se nga këto shpërthime nuk ka të lënduar.
a.m/dita
Jane serbet e Kosoves qe nuk duan te zbatojne ligjet e vendit ku jetojne madje si te privilegjuar, prandaj mund te shkojne ne Serbi pasi ligjet e saj i duan me shume. Rrugen e kane te hapur por nuk dihet ne se i presin krahehapur ne Serbi dhe nuk dihet se a do te kene privilegjet elektorale e te tjera qe kane ne Republiken e Kosoves.
Cka mbjell ate e korish ky ministri nuk deshiron te futet ne arkivin e Serbise ku gjendet shperngulja e 26000 familje Shqiptare u detyruan te ikin ne Turqi,dhe sa u pushkatuan ne kohen e Rankovicit ,Drazh mihajlit,edhe ne kohen e Titos ,une nuk e kuptoj Ramen Kristaqin ku trdhton kombin e vet per te punuar se bashku me Vucicin pse sja permend keto gjera Serbit.Turp.