Ministrja e Jashtme Olta Xhaçka takoi sot Ministrin e Punëve të Jashtme të Indisë në New York, Subrahmanyam Jaishankar, në nisje të javës së Nivelit të Lartë të Asamblesë së Përgjithshme të OKB-së.
Në përfundim të takimit, Xhaçka publikoi një postim në Twitter ku ndër të tjera theksoi se është koha për të forcuar bashkëpunimin në fusha me interes reciprok.
“Në nisje të javës së Nivelit të Lartë të Asamblesë së Përgjithshme të OKB-së, takim shumë i mirë me Ministrin e Punëve të Jashtme të Indisë, Dr. Subrahmanyam Jaishankar. Shqipëria dhe India veprojnë së bashku si anëtarë jo të përhershëm të KS të OKB-së. Koha për të forcuar bashkëpunimin dhe marrëdhëniet në shumë fusha me interes reciprok”, shkroi Xhaçka.
Me ftesë të shefit të diplomacisë së Bashkimit Evropian, Joseph Borel, kryeministri Edi Rama dhe Ministrja e Jashtme Olta Xhaçka mbërritën në New York, ku më 20 shtator do të mbahet një takim mes liderëve të vendeve të Ballkanit Perëndimor, në saj të javës së takimeve në Asamblenë e Përgjithshme të OKB-së.
a.m/dita
I a tregove ne harte se ku bie Shqiperia se mos kujtoje indiani qe qenka nje fis ne kufi me Nepalin dhe ne nuk kemi njohuri.Po lidhu me Rumunet,Bullgaret dhe forcoi keto lidhje ekonomike ,politike,kulturore e te tjera me keta fqinje te pasur.Ke ndonje plan te na cosh te gjithve komplet ne ndonje lagje te re te Dehlit?Na thuaj te pergatitemi te veme ndonje nishan te kuq ne balle.