Këshilli i Ministrave, miratoi këtë të mërkurë dy vendime që lidhen me profesionet e lira dhe bonusin e pensionistëve.
Ministri i Financave, Petrit Malaj, njoftoi miratimin e aktit normativ që parashikon kthimin e këstit të tatim fitimit të parapaguar nga profesionistët e lirë.
Malaj theksoi se Qeveria ka qenë gjithmonë e angazhuar për t’u rikthyer këto para pas vendimit të gjykatës Kushtetuese.
Ndërkohë, një tjetër vendim është miratimi i bonusit të fundvitit për pensionistët.
Ministri i Ekonomisë, Blendi Gonxhja, bëri me dije se ky bonus është më i madhi që është miratuar ndonjëherë për pensionistët shqiptarë.
Rreth 724 mijë pensionistë do të përfitojnë nga ky bonus, që do të nisë të shpërndahet në javën e dytë të dhjetorit.
Pensionistët që marrin pension deri në 20 mijë lekë do të marrin një bonus prej 150 euro (15 mijë lekë), ndërsa ata që kanë pension më të lartë do të përfitojnë 100 euro (10 mijë lekë). Po ashtu, invalidët, pensionistët familjarë, gra e burra të ve, dhe fëmijët jetimë do të përfitojnë të gjithë një bonus prej 150 euro. Përfshihet gjithashtu edhe një bonus për pensionistët e parakohshëm të ushtarakëve.
i.b./dita
Prandaj duhen bërë punët të studiura mirë, që vendimi që merret të mos kthehet mbrapsht.
Punë e studiuar, punë e mbaruar. Punë pa studim, e gatshme për kthim.
Prandaj vihen të mënçurit në krye, që të gabohet sa më pak të jetë e mundur.
Sikur t’i bësh të kthyeshme shumë vendime imagjino çfarë katraure mund të bësh.
Prandaj dhe populli thotë:
Mat 10herë e prit një herë.
Prandaj duhet dëgjuar populli(i mënçur) se ke çfarë mëson nga ai.