Ministrja e Shëndetësisë dhe Mbrojtjes Sociale, Albana Koçiu deklaroi se në mbledhjen e sotme të Këshillit të Ministrave është miratuar Lista e re e Barnave të Rimbursueshme e cila përfshin diagnoza të reja për trajtim sipas mjekimit që pacientët marrin nga mjekët e familjes.
Në deklaratën për gazetarët pas mbledhjes së qeverisë, ministrja Koçiu theksoi se lista e barnave të rimbursueshëm është zgjeruar me 1,345 barna alternativa mjekimi në total, nga 1191 që janë aktualisht.
Ajo bëri me dije se listës i janë shtua 50 barna dhe medikamente të reja, nga të cilat 38 principe aktive të reja dhe 18 forme doza të reja.
Ministrja Koçiu shtoi se të gjitha barnat e reja të shtuara në Listën e Barnave të Rimbursueshme, janë barna të cilat mbështesin akoma më shumë të gjitha diagnozat dhe patologjitë e sëmundjeve onkologjike, sëmundje kardiovaskulare, diabetin, sëmundje të veshkave, astmën bronkiale, sëmundje pulmonare, etj.
Gjithashtu, ministrja e Shëndetësisë bëri me dije miratimin e një tjetër vendimi të rëndësishëm në mbështetje të gjithë qytetarëve të prekur nga diabeti, duke zgjeruar fashën e rimbursimit të fishave të diabetit për matjen e glicemisë.
“Deri më sot ne rimbursojmë fishat e diabetit për të gjithë ata pacientë të cilët vuajnë nga sëmundja diabetike, nga mosha 0-25 vjeç si dhe për të moshuarit dhe pensionistëve mbi 65 vjeç. Me vendimin më të fundit ne shtojmë mbulimin me fishat e diabetit falas dhe për dy target grupe shumë të rëndësishme,për invalidët e punës dhe personat me aftësi të kufizuar. Janë mijë invalidë pune që vuajnë nga sëmundja e diabetit dhe rreth 1.500 persona me aftësi të kufizuar që do të përfitojnë falas fishat e diabetit”, përfundoi ministrja e Shëndetësisë dhe Mbrojtjes Sociale, Albana Koçiu.
j.l./ dita
Mendoni per pensionistet.
Marrin barna qe nuk rimbursohen . Privati i ka pa pulle.
Detyrohen ti marrin. Ngelen shume pak leke nga pensioni per ushqim/
Ne Shkoder ka nje shprehje , nuk ja di i ngopuni, te unshmit.
Riimbursimi i barnave eshte nje propagande,mashtrim dhe tallje e ndyre ndaj pensionisteve!
Shumica derrmuese e barnave jane ato qe prodhohen nga Tom Doshi,per t’i bere xhiro atij!
Per 2 muaj mjekimin e tensionit,shteti na jep barin e Tom Doshit qe kushton 70 leke,njelloj sikur te blinim domate per gjelle!
Per diabetin ne fakt eshte ne liste Glukofazh,por mjeku i familjes nuk na e jep,por na jep barin e Tom Doshit!
U shtrova ne pavionin e urologjise tek QSUT,por kur me shtrine ne shtrat tek salla e operacionit me kerkuan tubin e shkarkimit te veshkes se pavioni nuk kishte gjendje dhe ai kushtonte 185 mije leke te vjetra!
Edhe kur ma hoqen,nuk e hoqen tubin ne pavion,por tek klinika private e mjekut,qe me mori edhe 100 mije leket e fundit!
Shendetesi kriminale,se jam vizituar dhe kryer analiza te ndryshme edhe ne SHBA,por pervec siguracionit 500 dollare per 6 muaj nuk me kerkuan asnje dollar!
Ndersa sherimi nga veshka e bllokuar na guri me kushtoi 2 milion leke te vjetra!