Deputeti socialist Erjon Braçe ia ka dalë të bindë kolegët e opozitës për të votuar ndryshimet ligjore në marrëdhënien prodhues-grumbullues e cila detyron këta të fundit të shlyejnë detyrimet ndaj fermerëve brenda 60 ditëve.
Sipas tij, shumë fermerë shqiptarë duhet të presin për muaj me radhë për të marrë paratë nga grumbulluesit, duke e shitur dhe mallin nën kosto.
Përveç se shpesh mallin e shesin nën kosto, fermerët shqiptarë duhet të presin për muaj me radhë për të marrë paratë nga grumbulluesit.
“Në Bashkinë e Divjakës ende nuk janë marrë paratë e shalqinit të shitur në fund të majit apo qershorit. Jemi në mes të janarit dhe ky natyrisht është një fermer shumë i madh. Siç është për këtë produkte, është edhe për produkte të tjera”, u shpreh Braçe.
Sipas Braçes, propozimi synon të vendosë marrëdhëniet me bujkun me një kod te unifikuar, t’i jepet zgjidhje pagesave te vonuara, dhe synohet më shumë formalizim, që e shtyn drejt kontratës me pikat e grumbullimit dhe ligjërim të transaksionit përmes një fature qe sot nuk ekziston.
Nisma u mirëprit edhe nga Ministria e Bujqësisë dhe ajo e Financave dhe Ekonomisë, të cilat pranuar problematikën në fenomenin e kultivuar në vite.
Në parim i gatshëm për të votuar projektligjin u deklarua edhe deputeti Partisë Demokratike Xhelal Mziu, por kërkoi ndryshime më rrënjësore.
