Debatet dhe replikat në Komisionin Hetimor Parlamentar për sistemin TIMS kanë vijuar edhe pasi rinisi mbledhja.
Kryetari i Komisionit, Ervin Salianji ka debatuar me Blerina Gjylametin, duke t’i thënë “mos bëni si arixhofkë”.
Ndërkohë Toni Gogu, iu përgjigj duke i thënë se “po bëni diversion.
Debati:
Blerina Gjylameti: Hidh propozimin në votim.
Ervin Salianji: Do qetësoheni, hidhni përpjetë sa të doni jeni kap dhe nuk i shmangeni dot këtij hetimi.
Blerina Gjylameti: Hidh propozimin në votim.
Ervin Salianji: Mos u bëni si arixhofkë, këto bëji kur të shikosh filxhanin jo këtu. Hidhuni përpjetë sa të doni. Prandaj ju them se duhet të flasim këtu në kamera në publik. Meqe rastis që kryesia e komisionit janë burra të thonë a ramë dakord që ti japim kohë ekspertëve që të bien ose jo dakord dhe pastaj të mblidhemi për ta hedhur në votim. Sot është data 8 maj dhe deri në orën 24:00 ka kohë. Ramë dakord kështu, tani pse e ndryshoni?
Toni Gogu: Po ramë dakord, ishte ora 1. Që atëherë ka kaluar kohë e mjaftueshme, ke që qeparë që akuzon, bën diversion dhe atë kohë ja ke vjedhur ti. Unë propozoj që të kalojmë në votim.
Ervin Salianji: Këta nuk miratojnë as planin e propozuar nga ekspertët e tyre.
***
Ndërkohë, Komisioni Hetimor për çështjen e të dhënave të sistemit TIMS ka votuar pas shumë orësh Planin Hetimor.Me votat edhe të përfaqësuesve të opozitës, përjashto deputetin Asllan Dogjani, është votuar Plani Hetimor i ekspertes së propozuat nga Partia Socialiste, Vjosa Bodo.
Ky Plan Hetimor nuk parashikon thirrjen për të dëshmuar të kryeministrit Edi Rama dhe ish-ministrit të Brendshëm, Bledi Çuçi. Po kështu nuk do të ketë ekspertim të vendit të ngjarjes e as nuk do të thirren ekspertë nga gjykata sikundër kishte propozuar opozita.
Në listën e dëshmitarëve janë një sërë zyrtarësh dhe ish-zyrtarësh që do të merren në pyetje nga Komisioni Hetimor. Por komisioni rezervon të drejtën në të ardhmen që nëse është e nevojshme të thërrasë edhe persona të tjerë për të dëshmuar.
b.m/dita