Drejtoria e Qendrës Spitalore Universitare ‘Nënë Tereza’, ka reaguar pas publikimit në media të shqetësimit të mjekëve dhe infermierëve jo vetëm nga QSUT, por dhe në spitale të tjera të vendit se nuk kanë marrë ende pagën e muajit dhjetor.
Në një njoftim për mediat bëhet me dije se procedurat standarte të pagave janë kryer dhe tashmë pritet që pagat të kalojnë në llogaritë bankare të personelit mjekësor.
Reagimi për mediat:
Drejtoria e Qendrës Spitalore Universitare ‘Nënë Tereza’, informon mediat e interesuara për pagat e personelit shëndetësor dhe atij mbështetës, janë kryer proceduart standarde të pagave, ato kanë kaluar në Thesar dhe janë duke u transferuar në llogaritë bankare personale të personelit.
j.l./ dita
