Mjeti që dyshohet se ndihmoi vrasësit e Gëzim Sinomatajt të largohen nga vendngjarja, pasi i vendosën flakën BMW-së në lagjen “24 Maji”, është pikasur nga policia.
Mësohet se makina është shitur në Vlorë, por pa akt shitje dhe është në pronësi të një shtetasi nga Elbasani.
Ky automjet dyshohet se ka larguar autorët nga vendi ku u dogj automjeti tip BMW, me të cilin u krye atentati mafioz ndaj 23-vjeçarit.
Ndërkohë pas 18 orësh janë liruar 15 personat e shoqëruar nga policia e Vlorës për vrasjen e të riut, pasi nuk janë arritur të gjehen prova të vlefshme për t’i implikuar në ngjarje.
Djali i Sokol Sinomatajt, i njohur ndryshe si “Buzëderri”, u ekzekutua rreth orës 22:00 të mbrëmjes së të dielës (7 Janar). Dyshohet se autorët kanë qenë 3 persona dhe i riu është qëlluar me snajper nga brenda BMW-së.
Në momentin e krimit zona ka qenë pa drita, ndërsa nuk dihet nëse kjo është një rastësi apo ka të bëj me krimin.
Mjeti tip BMW që kanë përdorur autorët u gjet i djegur pranë shinave të trenit në lagjen “24 Maji” në një zonë në errësirë.
j.l./ dita
