Abuzuan me detyrën, përfundojnë në pranga dy efektivët e forcave “Shqiponja” në Tiranë.
Efektivët u kapën në flagrancë duke i marrë një drejtuesi mjeti 100 euro, me qëllim shmangien e ndëshkimit të tij me masë gjobe për shkelje të rregullave të qarkullimit rrugor.
- Publicitet -
Sipas autoriteteve të policisë, në pranga përfunduan: Inspektor A.C., 36 vjeç, me detyrë Patrullë e Përgjithshme në Sektorin e Forcës së Posaçme “Shqiponja”, pranë Drejtorisë Vendore të Policisë Tiranë dhe Inspektor, H.XH, 26 vjeç, me detyrë Patrullë e Përgjithshme në Sektorin e Forcës së Posaçme “Shqiponja”, pranë Drejtorisë Vendore të Policisë Tiranë.
Dy efektivët akuzohen për veprën penale “Korrupsion pasiv i personave që ushtrojnë funksione publike”.
Gjatë kontrollit personal, këtyre punonjësve iu gjetën dhe sekuestruan në cilësinë e provës materiale shuma prej 1420 euro, 8,800 lekë, si edhe 4 aparate telefonike celularë.
Materialet procedurale u referuan në Prokurorinë Pranë Gjykatës së Parë të Juridiksionit të Përgjithshëm Tiranë.
p.k\dita
