Gjykata e Tiranës ka lënë në burg Milena Deraj, e akuzuar për mashtrim me pasoja të rënda.
Në seancë ajo ka pretenduar se është kërcënuar nga katër banda për mosmbajtjen e premtimit për të hequr dy burgime të përjetshme.
Ish-punonjësja e Bankës së Shqipërisë tha se kishte marrë përsipër të gjente dy avokatë të suksesshëm për zgjidhjen e çështjes.
- Publicitet -
Deraj ka pretenduar se është kërcënuar me pistoletë në kokë dhe është marrë peng.
Në sallën e gjyqit, Deraj tha se pas rrëmbimit fshihej familja Ferracaku, që u përfshi në masakrën e Velipojës, ku pas sherreve për çadrën, pati përleshje me armë dhe viktima.
Po ashtu ajo kërkoi mëshirë para togave të zeza me pretendimin se ishte nënë e një fëmije të mitur.
30-vjeçarja ka mashtruar tre shtetas (një baba dhe dy djemtë), duke iu marrë 340 000 euro, me premtimin se do t’i ndihmonte në një proces gjyqësor që kishin në Shkodër, në lidhje me një ngjarje kriminale të ndodhur në Velipojë, në vitin 2021.
Gjithashtu, mësohet se 30-vjeçarja Deraj ka mashtruar edhe një shtetase tjetër, duke i marrë 230 000 euro, me premtimin për t’i investuar në bono thesari.
j.l./ dita
