Prej dy ditësh shërbimet për pajisjen dhe rinovimin e dokumenteve të identifikimit, kryhen nga kompania shtetërore “IdentiTek”. Për t’u pajisur me karta ID dhe pasaporta, qytetarët duhet të blejnë kuponin përkatës pranë zyrave të Postës Shqiptare dhe më pas të paraqiten në të njëjtat zyra aplikimi si më parë, tashmë zyrat e “IdentiTek”.
Por, edhe personat që kanë blerë më parë kuponët tek ish-koncesionari, do të mund t’i përdorin sërish dhe nuk do të jetë e nevojshme që të blejnë të tjerë. Ministri i Brendshëm Taulant Balla, konfirmoi sot, se në këto raste, do të mund të bëhet zëvendësimi i tyre pa asnjë pagesë shtesë.
“Qytetarët që kanë blerë kuponët e vjetër të ish-koncesionarit, dhe që nuk i kanë përdorur, të mos shqetësohen. Thjeshtë shkoni në zyrat e Postës Shqiptare dhe t’i shkëmbeni me kuponët e rinj të kompanisë shtetërore “IdentiTek”. Prej ditës së sotme në sportelet e Postës Shqiptare qytetarët do të gjejnë edhe kuponët për shërbimin me procedurë të përshpejtuar (Fast Track)”, bën me dije ministri Balla.
p.k\dita
