Kjo javë do të sjellë rënie të temperaturave të ajrit në vendin tonë.
Sipas meteorologut të MeteoAlb, Hakil Osmani vlerat e mëngjesit gjatë ditës së sotme kanë qenë 15 gradë, ndërsa maksimumet rreth vlerës 39 gradë do të regjistrohen në ultësirën perëndimore.
Por duke filluar nga e marta dhe në vijim do të ketë rënie graduale të temperaturave të ajrit. Maksimumet deri në fundjavë do zbresin deri në vlerën 34 gradë, ndërsa ato minimale në 10 gradë në zonat malore.
Kushtet e motit
Për sa i përket kushteve të motit do jenë në dominimin e kthjellimeve në orët e para të mëngjesit, por paditja do të sjellë zhvillim të vranësirave të cilat do krijojnë mundësi për reshje të pakta shiu. Nga e enjtja e në vazhdim do kemi dhe reshje në formën e rrebesheve në zonat e izoluara dhe në zonat malore.
Në ultësirën perëndimore pritet të kemi vetëm momente të pakta me pika shiu.
Parametri i erës nuk pritet të jetë problematik në pjesën më të madhe të ditëve, por pritet që në intervale të shkurtra kohore, në mesditë dhe pasdite të kemi fuqizim të saj, duke arritur shpejtësi edhe 40 km/h.
Vendet e rajonit
Kosova dhe Maqedonia e Veriut do të jenë me temperatura rreth 37 gradë celsius. por duke filluar nga dita e martë dhe në vijim do të ketë rënie graduale të temperaturave, duke bërë që të zbresin me 4-5 gradë celsius deri në fundjavë.
