Agjentët e Policisë Kombëtare twë Spanjës kanë gjetur këtë të enjte trupat e dy motrave binjake 63-vjeçare, në gjendje të avancuar dekompozimi dhe pa shenja dhune, në shtëpinë e tyre në Palencia.
Ka qenë një fqinj që ka lajmëruar policinë, për shkak të erës së keqe që binte në një nga shtëpitë e rrugës, në lagjen Cristo, në Palencia, ku banonin dy motrat dhe të cilën nuk e kishin parë prej kohësh.
Hetuesit dhe punonjësit e policisë, duke mos mundur të hyjnë në ambientet e brendshme të shtëpisë, kanë kërkuar bashkëpunimin e zjarrfikësve. Pasi hynë në shtëpi, Policia Kombëtare konstatoi se kishte dy kufoma në gjendje të avancuar dekompozimi.
Pas kontrollit vizual, Policia Shkencore ka identifikuar dy kufomat, të cilat korrespondojnë me dy motra binjake të lindura në vitin 1960. Në pritje të autopsisë dhe në vlerësimin e parë, trupat kanë përjashtuar çdo akt me natyrë të dhunshme.