Një grua është ringjallur në Galicia dhe ka habitur mjekët: “Ajo filloi të lëvizte dhe të gjithë u çmendëm”. Prej vitesh fenomeni i ringjalljes ka ngritur pyetje: a është vërtet e mundur të ringjallet apo është një legjendë urbane? María Berta Rodríguez ka thyer skemat për të gjithë personelin shëndetësor në Galicia, pacientja 77-vjeçare u vërtetua si e vdekur klinikisht nga mjekët, por u bëri një surprizë të madhe.
María, e cila mund të quhej Milagros, vuante nga diabeti dhe ishte shtruar në një spital në Galicia prej javësh për t’iu nënshtruar një operacioni në zemër. Ndërhyrja ishte pozitive dhe María ishte kthyer tashmë në shtëpinë e saj, ditë më vonë zonja po hante mëngjes në kuzhinën e shtëpisë së saj dhe nga një moment në tjetrin filloi të djersitej, të zbardhej dhe të merrej mendja, sipas djalit të saj Kiko.
“Ajo filloi të djersitej, u zbardh dhe ndjeu trullosje. Ne menduam se ishte një rënie e sheqerit, por duke u përkeqësuar, shtypëm butonin e Kryqit të Kuq (shërbimi i tele-asistencës)”, shpjegoi ai. Me të mbërritur personeli shëndetësor, gruaja nuk ka reaguar dhe mjekët kanë paralajmëruar djalin se situata ka prognozë negative. Për më tepër, i morën presionin e gjakut dhe shenjat vitale dhe nuk kishte absolutisht asgjë.
Kiko tha për ‘La Voz de Galicia’ se nëna e saj ishte “shumë e ftohtë” dhe se ajo ishte “e bardhë si hi”, me buzë praktikisht “transparente”. “Ajo ishte shumë e ftohtë, ajo kishte vdekur, asgjë nuk po funksiononte për të,” shpjegoi ai. Por ndërsa po qante ndodhi mrekullia: “Ajo filloi të lëvizte dhe të gjithë ishim të tmerruar, nuk mund ta besonim. Fillimisht nuk bëri asgjë, por pak nga pak filloi të merrte frymë dhe të reagonte dhe rrugës për në spital filloi të fliste e të thoshte emrin”, ka shpjeguar djali. Me të mbërritur në spital mjekët konfirmuan se kishte pësuar një ‘sinkopë’ që për pak i dha fund jetës, por fatmirësisht gjithçka përfundoi në një frikë dhe një anekdotë makabre për familjen.
