MSH: 17 raste të reja me Covid-19 dhe asnjë humbje jete gjatë 24 orëve të fundit

Në 24 orët e fundit janë shënuar 17 raste të reja me COVID nga 514 testime të kryera në total. Ndërkohë nuk është regjistruar asnjë humbje jete.

Rastet pozitive janë identifikuar në këto bashki: 9 në Tiranë, 2 në Fier, nga 1 qytetarë në Patos, Selenicë, Himarë, Sarandë, Finiq, Belsh.

Janë 179 qytetarë aktivë me Covid19 në të gjithë vendin.  Aktualisht në spitalin COVID3 po marrin trajtim 3 pacientë.  Janë shëruar 22 qytetarë gjatë 24 orëve të fundit, duke e çuar numrin e të shëruarve në 328,189 që nga fillimi i epidemisë

“Ministria e Shëndetësisë dhe Mbrojtjes Sociale i bën thirrje qytetarëve të mos neglizhojnë vaksinimin anticovid dhe vaksinimin kundër gripit, për të forcuar mbrojtjen ndaj viruseve gjatë sezonit të dimrit.

Vaksinimi anticovid dhe i gripit kryhet në qendrat shëndetësore në të gjithë vendin. Vaksinat reduktojnë mundësinë e infektimit dhe shmangin në shkallë të lartë hospitalizimet dhe fatalitetet”, apelon Ministria e Shëndetësisë.

Statistika ( 9 Nëntor 2022)

Raste të reja ditore                17

Të shëruar në 24 orë             22

Të shtruar në spitale             3

Humbje jete në 24 orë           0

Testime ditore                       514

Testime totale                   2,001,064

Raste pozitive                      331,961

Raste të shëruara                  328,189

Raste Aktive                             179

Humbje jete                              3,593

Shpërndarja gjeografike e rasteve aktive sipas qarqeve:

Tiranë                    133

Vlorë                         16

Fier                           12

Gjirokastër                6

Berat                           4

Elbasan                   3

Shkodër                 2

Durrës                     2

Lezhë.                     1

a.m/dita