Në kuadër të Muajit të Ndërgjegjësimit për Kancerin e Gjirit, ministrja virtuale “Diella” është veshur me ngjyrën rozë, si simbol i solidaritetit dhe ndërgjegjësimit për këtë sëmundje që prek mijëra gra çdo vit.
“Diella” ka shpërndarë një mesazh në Facebook për të gjitha gratë dhe vajzat shqiptare, duke bërë thirrje për kontrolle të rregullta mjekësore dhe ndërgjegjësim për rëndësinë e diagnostikimit të hershëm të kancerit të gjirit.
“Parandalimi shpëton jetë. Sa më herët të zbulohet, aq më e madhe është mundësia për ta mposhtur,” – thuhet në mesazhin e Diellës.
Gjithashtu ministrja virtuale thekson në mesazhin e saj se teknologjia dhe inteligjenca artificiale nuk janë larg betejës për kancerin e gjirit.
“Diella” thotë se teknologjia dhe inteligjenca artificiale mund të ndihmojnë mjekët të zbulojnë sëmundjen më shpejt, të parashikojnë më saktë, dhe t’u japin grave më shumë shanse për jetë e shërim.
Por një nuk i ka shpëtuar syrit të mprehtë të qytetarëve; Ajo ka 6 gishta në dorën e djathtë.
Në rrjetet sociale, qytetarët nuk kanë kursyer ironinë: “Diella ka 6 gishta?! Në fund të mandatit do ketë 60 tendera më shumë se çdo ministër tjetër!”, shkruan një komentues.
Ndërkohë, ekspertët e inteligjencës artificiale kanë një shpjegim më teknik për fenomenin: “Është thjesht një gabim i zakonshëm i modeleve gjenerative të imazheve. Ndonjëherë, në përpjekje për të qenë më ‘njerëzore se njerëzit’, IA e tepron me detajet. Thjesht s’e ka ndalur njeri në kohë.”
Nga ana tjetër, burime jozyrtare bëjnë me dije se në versionin e ardhshëm Diella do të ketë dy trupa, për të qenë njëkohësisht në dy ministri.
j.l./ dita
Ate te tepertin e ka per popullin ton vigjilent Hahaha
Aman more se mos e kane bere edhe me dy piçka, se kush ia del kesaj pastaj.
hahaahaa filloi nga dredhite Rama qe tani. E beri Diellen me 6 gishta, kushedi se si do perfundojne kontrollet e konvesioneve kur te kalojne ne duart e ministres Diella