Muzeu i Pavarësisë në Vlorë është nga më të vizituarit gjatë sezonit veror. Dhjetra turistë kryesisht nga shqiptarë të ardhur nga Kosova dhe Maqedonia e Veriut në orët e mbrëmjes vizitojnë këtë muze.
“Jam nga Kosova është super, është hera e parë që e vizitoj më pëlqen. S’më ka interesuar asgjë tjetër veç muzeut”.
Por ka dhe pushues të cilëve ju ka lënë shumë mbresa dhe e kanë vizituar më shumë se njëherë.
“Kam qenë njëherë kur isha 8 vjeç, tani erdha prapë nga Gostivari i Maqedonisë.”
“Nga Shkupi, do ta vizitoj kam ardhur dhe më përpara. Është shumë i rëndësishëm për ne.”
Muzeu i ka bërë përshtypje dhe kësaj vajze nga Singapori e cila viziton për herë të parë Shqipërinë.
“Është mrekullueshëm, është hera e parë që jam këtu dhe kam dëgjuar nga miqtë e mijë shqiptarë për këtë muze. Më pëlqen.”
Drejtori i muzeut të pavarësisë, Istref Dobi thotë se më shumë kuriozitet për të parë të dokumentuar historinë kanë shqiptarët e Kosovës dhe Maqedonisë së veriut. Më shumë përshtypje ju bën zyra e Ismali Qemalit.
Përgjatë muajit gusht Muzeu I Pavarësisë është vizituar nga rreth 60-70 persona në ditë.
a.m/dita
