Një artikull nga Dailymail, gazeta që mban flamurin e qëndrimeve kundër shqiptarëve në MB, raporton arrestimin e një shqiptari me emrin Fatmir Limani.
Gjatë artikullit thuhet se krahas komenteve të gjyqtarit Batiste drejtuar Limanit në Gjykatën e Kurorës së Leeds, gjyqtarë të tjerë anembanë vendit kanë shprehur gjithashtu shqetësimin e tyre për emigrantët e paligjshëm.
Gjykatësi Simon Batiste i tha shqiptarit: “Mjerisht, MB ka shumë kriminelë, nuk kemi nevojë të vijnë të tjerë nga Shqipëria.”
Në Gjykatën e Nottingham Crown në janar, gjyqtari Tanweer Ikram i tha shqiptarit Elmas Sitaj, i cili u burgos për dhjetë muaj për prodhimin e kanabisit:
“Ti vjen këtu ilegalisht, rrezikon. Nuk mund të jetë kurrë e drejtë që t’i drejtoheni kriminalitetit. Ky nuk është një vend ku pasuroheni shpejt. Jeta është e vështirë dhe njerëzit nuk paguhen shumë’.
Këtë vit deri më tani, 93 shqiptarë janë burgosur me një kosto për tatimpaguesit prej 17 milionë paund – thotë gazeta dhe shton:
Dy javë më parë, gjyqtarja Joanne Kidd dërgoi kultivuesin e kanabisit Aurel Kajo në burg për 20 muaj në Durham Crown Court. Kajo kishte paguar 4.000 paund për t’u futur kontrabandë në Britani.
Gjykatësi Kidd i tha Kajos: “Mesazhi duhet të dalë se njerëzit që hyjnë në këtë vend ilegalisht dhe zgjedhin të përfshihen në aktivitete kriminale ka të ngjarë të përballen me burg dhe më pas me dëbim.”
Javën e kaluar, Sekretarja e Brendshme Suella Braverman tregoi se si mijëra kriminelë që ‘posedojnë vlera që janë në kundërshtim me vendin tonë’ kanë hyrë fshehurazi në Britani me varka të vogla- shkruan gazeta.
j.l./ dita
