Ministrja e Ekonomisë dhe Financave, Delina Ibrahimaj thotë se bordi i ngritur për kontrollin e çmimeve është transparent.
E pyetur në një konferencë për shtyp ditën e sotme se përse bordi nuk e ul çmimin e naftës, ndërkohë që në bursë ka shkuar në nivelet e para luftës, ministrja tha se ky mekanizëm i ngritur nuk përcakton çmimet e naftës bruto, po asaj të rafinuar.
“Unë besoj që është e kundërta. Ju ftoj të analizoni ecurinë e çmimeve të bursës për produktet që janë nën ombrellën e bordit dhe jo për naftën bruto. Bordi përcakton çmimet e naftës së rafinuar, jo të asaj bruto. Në asnjë rast bordi nuk është mbledhur në kundërshtim me uljen apo rritjen e këtyre çmimeve. Ka ndodhur e kundërta.
Vendimet e bordit janë transparente. Vendimarrja është e përcaktuar në ligj. Mos e dezinformoni opinion publik. Mund të ulemi në një takim të veçantë ku të analizojmë të gjitha vendimet dhe lëvizjet e bursës”, tha Ibrahimaj.
j.l./ dita
Kete nuk e dinim. D.M.TH para krijimit te komitetit qendror te Naftes, Shqiptaret paskan konsumuar nafte bruto, kurse tani po konsumojne nafte te rafinuar. Rrofte komiteti qendror qe na rafinoi naften. Arritje e madhe, ne Demon-kraci dhe tregun e lire.