Gledis Nano ka qenë sot në zyrën e tij të punës, pavarësisht zërave se ka dhënë dorëheqjen. Një burim nga Ministria e Rendit tha për DITA se atij i është kërkuar dorëheqja, por ai nuk dëshiron ta japë atë.
Nano njihet për lidhjet e tij me ndërkombëtarët dhe sipas këtij burimi, ai e ka konsultuar me disa prej tyre kërkesën që i është bërë për t’u dorëhequr. Këta të fundit kanë premtuar negociimin e situatës me qeverinë shqiptare.
Hezitimi i z.Nano gjatë orëve të fundit lidhet me sa duket me pritjen e një përgjigjeje mbi rezultatin e këtyre përpjekjeve.
Sipas burimit, atij i është kërkuar dorëheqja për të shmangur një situatë shkarkimi që do kishte politikisht efekte negative në opinionin publik.
Pretendimi për largimin e tij nga posti lidhet me një hetim të rëndësishëm të kohëve të fundit të SPAK, ku ka patur rrjedhje informacioni. Vetë SPAK konfirmon se rrjedhja e informacionit ka ardhur nga kupola e policisë, pasi në dijeni kanë qenë një numër shumë i kufizuar personash.
Por Nano nuk e konsideron veten përgjegjës për këtë rrjedhje dhe ka kundërshtuar si pretendimin e SPAK ashtu dhe kërkesën e ardhur nga Ministria e Brendshme për dorëheqje. Në rrethe të ngushta përflitet se situata “thjesht po shfrytëzohet” në luftën për pushtet të grupeve brenda policisë me përkrahje të ndryshme në kahet politike.
Jo rastësisht në disa portale afër qeverisë, nënkuptohej se Nano “do shkarkohet gjithsesi” nëse nuk jep dorëheqjen dhe se “shkak i largimit të tij vetëm 11 muaj pas marrjes së detyrës si kreu i Policisë së Shtetit është rrjedhja e informacioneve konfidenciale me interesa shtetërore”.
Kush është Gledis Nano?
Prej më shumë se një dekade, Gledis Nano ka shërbyer si oficer karriere në Policinë e Shtetit. Nëse karriera e tij do të piketohej me tre momente, ato kulmojnë me dosjen e famshme të “Imamëve”, protagonizmin në riatdhesimin e shqiptarëve nga Siria dhe dëbimin e diplomatëve iranianë dhe rusë nga vendi ynë.
Në vitin 2013, ai ka kryer hetimet e dosjes se “Imameve” të arrestuar për terrorizëm, ngjarje e cila ka pasur shumë jehonë, si një nga më të suksesshmet në këtë fushë në të gjithë rajonin.
Ata akuzoheshin për rekrutim të personave, me qëllim kryerjen e akteve terroriste, si dhe nxitje dhe thirrje publike
Nano, po ashtu, drejtoi të gjithë operacionin sekret të dëbimit një muaj më parë të diplomatëve iranianë nga Shqipëria, operacion i “përshëndetur” edhe nga Shtetet e Bashkuara të Amerikës.
Gjithashtu, ai ka udhëhequr operacionin për të nxjerrë nga Kampi Al Hol në Siri, shtetasit shqiptarë që mbaheshin aty, duke qenë një nga emrat kyç të këtij operacioni.
Ndërsa, në gusht të vitit të kaluar Gledis Nano ishte sërish protagonist i riatdhesimit të grave dhe fëmijëve shqiptarë nga kampi në Siri.
Ai ka marrë certifikatë vlerësimi për kontributin e dhënë në luftën kundër terrorizmit global, e ndërsa për punën e tij në këto operacione të rëndësishme është vlerësuar brenda dhe jashtë vendit.
Pas 11 muajve si kapo i Policise se Shtetit gazeta Dita ngre pyetjen idiote: “Kush eshte Gledis Nano”.
Ndermjet shume tregimeve me traplliqe ne fund artikulli mbyllet duke thene se, Nano ka marre certifikate vleresimi per kontributin e dhene ne luften kunder terrorizmit Global,…….. por i ka bere mutin terrorizmit shqiptar.