Një megaoperacion ndërkombëtar antidrogë është duke u zhvilluar nga policia shqiptare, në bashkëpunim me Guardia di Finanza italiane dhe DEA-n amerikane, e që nuk ka përfunduar. Mësohet se gjatë operacionit është goditur një grup kriminal me bazë në Fushë-Kuqe të Kurbinit.
Gjatë akzionit janë shoqëruar disa persona, të cilët shkëmbenin kanabis me heroinë dhe kokainë, duke e bërë trafikimin deri dhe me veliera nga Shëngjini.
Janë bllokuar 4 gomone dhe një velierë është djeg nga anëtarët e grupit kriminal. Në pranga janë vënë 6 persona deri tani.Të arrestuar janë edhe shtetas të huaj, ndërsa ky grup kriminal trafikonte drogë në rrugë detare.
Operacioni vijon ndërsa urdhër-arrestet janë lëshuar nga SPAK, kurse shifrat do të bëhen publike në fund të ndërhyrjes. Nuk ka ende informacione për sasinë e drogës së kapur dhe provave të tjera.
