Edhe pse NASA ka qenë historikisht e lidhur më ngushtë me SpaceX, kompania e Elon Musk nuk është e vetmja që ndjek garën hapësinore. “Blue Origin”, kompania e hapësirës ajrore e Jeff Bezos, ka dashur prej kohësh të bashkëpunojë me NASA-n dhe ka qenë një nga favoritët më të mëdhenj për prodhimin e anijes së parë për misionin “Artemis”. Në fund ishte SpaceX që mori kontratën, por Blue Origin nuk është dorëzuar. Tani, NASA njofton se kompania e Jeff Bezos do të jetë përgjegjëse për projektimin e moduleve të uljes për inkursionet nga “Artemis 5”.
Landeri që do të sigurohet nga “Blue Origin”, do të montohet fillimisht në raketën New Glenn. Kapsula do të jetë afërsisht 16 metra e lartë dhe do të peshojë rreth 45 tonë, pasi të jetë mbushur me karburant. Objektivi i këtij moduli është të çojë ekipin e astronautëve në sipërfaqen e Hënës dhe “Blue Origin” do të duhet të furnizojë kapsulën gjatë fluturimit, në mënyrë që të mund të qëndrojë në koren hënore për aq kohë sa të jetë e mundur. Modeli SpaceX që pajis kapsulën Orion, ka efikasitet të mjaftueshëm energjetik për të qenë në gjendje të qëndrojë një javë në sipërfaqen e satelitit.
