Agjencia hapësinore amerikane, NASA po përgatit raketën e saj gjigande të Hënës për një fluturim testues.
Pajisja po dërgohet në Qendrën Hapësinore Kennedy në Florida që të nisë fluturimin e saj më 29 Gusht. Debutimi nuk do të ketë ekuipazh, por në fluturimet e ardhshme është parashikuar të dërgohen astronautë në sipërfaqen e Hënës, për herë të parë në 50 vjet.
Thuajse 100 metra e gjatë, anija po zhvendoset me një traktor gjigand drejt qendrës. Transportimi i saj nisi të martën vonë në dark, por me një shpejtësi prej 1 kilometër në orë, nevojiten 8-10 orë për të mbërritur në destinacion.
Ky është një moment kyç për NASA, e cila në Dhjetor do të festojë 50-vjetorin e Apollo 17, shkelja e fundit e njeriut në Hënë.
Agjencia është zotuar se do të kthehet me anë të programit Artemis, me teknologji të re që i përshtatet kohës moderne. NASA e sheh rikthimin në Hënë si një mënyrë përgatitjeje për astronautët që rreth viteve 2030 do të shkojnë në Mars.
a.m/dita
