Faqja e NASA-s ka qenë përgjegjëse për publikimin e fotos që po bën xhiron e botës dhe që na tregon, siç e kanë quajtur vetë ata, një fotografi të denjë për një kartolinë. Ishte data 8 prill 2023 kur kamerat e navigimit bardh e zi, në dy momente të ndryshme të ditës, morën dy imazhe panoramike të peizazhit që Roveri Curiosity kishte përpara. Megjithatë, truku i vogël i imazhit është zbuluar më poshtë.
Rezulton se këto dy fotografi janë realizuar në orën 09:20 të mëngjesit dhe 15:40 pasdite, sipas orës në Mars dhe janë përdorur për të krijuar një imazh të vetëm. Më në fund, kjo duhej të kalonte një proces shtimi të ngjyrave, për të treguar tonet e kaltërosh që do të ishin kapur në imazhin e mëngjesit dhe tonet e verdha të marra në fotografinë e pasdites. Meqë ra fjala, nuk po flasim për xhirimin e kamerës së navigimit dy herë dhe kaq, por secilës prej imazheve iu deshën shtatë minuta e gjysmë për t’u kapur.
