Toka është një grimcë pluhuri në pafundësinë e universit dhe natyrisht është e ekspozuar ndaj ndryshimeve kozmike që ndodhin rreth saj.
Planeti ynë tashmë është përballur me kataklizma dhe zhdukje të mëdha (shuarje), por ndërsa përplasja e një meteori është ngjarja më “e butë”, NASA ka zbuluar se ka gjëra më të mëdha për t’u shqetësuar.
Observatori i NASA-s me rreze X Chandra dhe teleskopë të tjerë kanë ndihmuar një ekip astronomësh të lokalizojnë një kërcënim të ri hapësinor, që prek të gjitha llojet e planetëve.
Kur një yll vdes, ai gjeneron një supernova, një shpërthim i dhunshëm që mund të lërë pasoja vite dritë nga origjina e tij. Një studim i ri ka zbuluar se vala e goditjes nga një supernova është shumë më e gjerë sesa menduam dhe reagimi i dhunshëm është i aftë të shtyjë gazin e dendur që rrethon yllin, drejt sistemeve të tjera yjore të largëta.
Kjo valë goditëse përmban një sasi të madhe rrezesh X dhe rrezatimi radioaktiv, e nëse godet një planet të ngjashëm me Tokën, do të vriste të gjithë jetën që varet nga atmosfera e tij.
Ndikimi i rrezatimit do të ndryshonte përbërjen kimike të atmosferës dhe do të largonte pjesën më të madhe të shtresës së ozonit. Rrezatimi ultravjollcë, tashmë pa filtra, do të binte në planetin tonë dhe do të fillonte procesin pa kthim të një zhdukjeje masive.
Toka do të zhytej në një re të dioksidit të azotit, nën të cilën nuk do të kishte vend për jetën siç e njohim sot. Studiuesit besojnë se ne mund ta pësojmë këtë fat, edhe nëse shpërthimi i supernovës do të ndodhte më shumë se 100 vite dritë larg nga vetë Toka!
Është e vështirë të vlerësohet se sa i dhunshëm mund të jetë një shpërthim supernova dhe kur mund të ndodhë ai.
Edhe nëse rrethi ynë i ngushtë i planetëve është tani për tani i sigurtë, sistemet brenda ‘Rrugës së Qumështit’ mund të ndikohen nga ndikimi i një reje të tillë radioaktive në të ardhmen.
Autorët e studimit kanë njoftuar se do të fillojnë të kryejnë vëzhgime pasuese të supernovës më të afërt me galaktikën tonë, në përpjekje për të parashikuar gamën dhe pasojat e valës së goditjes që ato gjenerojnë.
a.q. / dita
