Vdes aksidentalisht foshnja e futbollistit, shtyhet ndeshja Tirana–Flamurtari

Ekipi i futbollit “KF Tirana” njofton se vajza e lojtarit Freddy Alvarez ka ndërruar jetë tragjikisht në orët e para të mëngjesit të sotëm në Tiranë.

I gjithë klubi bardheblu është i tronditur dhe në zi, duke qëndruar pranë Freddyt dhe familjes së tij në këtë moment të rëndë.

Reagimi i “KF Tirana”:

Me dhimbje të thellë ndajmë lajmin se vajza e lojtarit tonë, Freddy Alvarez, ka ndërruar jetë tragjikisht në orët e para të mëngjesit të sotëm në Tiranë.

I gjithë klubi ynë është i tronditur dhe në zi, duke qëndruar pranë Freddyt dhe familjes së tij në këtë moment të rëndë.

Ngushëllimet tona më të sinqerta janë me familjen Alvarez.

U prehtë në paqe!

Deri tani, nuk ka më tepër informacion se çfarë ka ndodhur në familjen e lojtarit Freddy Alvarez dhe cili është shkaku i vdekjes tragjike të vajzës së tij në kryeqytetin e Shqipërisë, në Tiranë ku familja jeton.

Mesfushori ofensiv nga Costa Rica është bërë zyrtarisht pjesë e KF Tiranës në merkaton e Janarit 2026.

Pas firmosjes së kontratës dhe analizave mjekësore, ai ju bashkua menjëherë me ekipin nën udhëheqjen e trajnerit Nuhiu, duke luajtur në 3 ndeshje mes Kupës dhe kampionatit.

Në shenjë respekti dhe solidariteti në këtë moment të rëndë, si dhe në dakordësi me klubet KF Tirana dhe KF Flamurtari, FSHF ka vendosur shtyrjen e ndeshjes Tirana–Flamurtari, e cila ishte planifikuar të zhvillohej sot në orën 13:30 në stadiumin “Selman Stërmasi”.

Sipas njoftimit zyrtar, takimi do të luhet nesër, në të njëjtën orë, 13:30, po në stadiumin “Selman Stërmasi”.

j.l./ dita