Është ndarë nga jeta Mane Lumani, një nga figurat më të dashura të humorit shqiptar dhe pjesë e kuartetit legjendar Katër Parodistët e Vlorës.
Me ikjen e tij, mbyllet një kapitull i artë i humorit skenik që për dekada bëri të qeshë dhe të reflektojë publikun shqiptar.
Lumani solli në skenë një humor të mprehtë ku ndërthurej loja trupore me këngën satirike.
Kolegët e përshkruajnë si njeri me shpirt të madh, që jetoi për skenën dhe për duartrokitjen e sinqertë.
Trashëgimia e “Katër Parodistëve të Vlorës” mbetet një nga gurët e themelit të humorit shqiptar
Paroditë e tyre i kanë bërë të pavdekshëm në memorien kolektive. Në këtë trashëgimi, emri i Lumanit do të qëndrojë gjithmonë me dinjitet.
d.x. / dita
U prehsh ne paqe
I pa harruar emri i artisti te madh, Mane Lumani! Me talentin e tij u be personalitet i dashur dhe i vleresuar me duartrokitje emocionale dhe sebashku me grupin e pandare te parodisteve te Vlores u bene te pavdekshem!
Ngushellime familjes, te afermve, miqve dhe shokeve te te ndjerit!
U prehte ne paqe shpirti dhe trupi i tij ne banesen e perjeteshme!