Pak pas lajmit për arrestimin e kryebashkiakut Lefter Alla, në lidhje me tenderët publikë, dalin detaje në lidhje me ndalimin apo shoqërimin e disa zyrtarëve bashkiakë në lidhje me këtë çështje, si dhe kontrollet në banesat e të dyshuarve. Mediat në mbrëmje publikuan edhe pamje nga aksioni i oficerëve të BKH-së në Bulqizë dhe kontrollet e banesave të kryebashkiakut socialist dhe vëllait të tij.
Kontrollet zgjatën për më shumë se dy orë, me objekt gjetjen e provave materiale, kryesisht dokumentacione dhe të dhëna me interes. Burime të pakonfirmuara thanë se janë shoqëruar edhe disa zyrtarë të Bashkisë së Bulqizës, që kanë qenë anëtarë të komisioneve për tenderë publikë.
