Një pjesë e madhe e kryeqytetit ka mbetur pa energji elektrike prej orës 20.30. Banorët nga disa zona të Tiranës raportojnë mungesë totale të energjisë.
Ndër zonat më të prekura janë ato në Njësinë 1 dhe 2, përfshirë lagje si Ali Dem, Shkozë, Tregu Elektrik, Sauk, Farkë, zona e stadiumit “Air Albania”, etj,.
Nga Operatori i Shpërndarjes së Energjisë Elektrike (OSHEE) konfirmohet se shkaku i ndërprerjes lidhet me një problem në linjat e tensionit të lartë 110 kV, të administruara nga OST.
Sipas burimeve zyrtare, po punohet për të gjetur zgjidhje alternative me qëllim furnizimin gradual të nënstacioneve përmes linjave të tjera, në mënyrë që të rikthehet energjia sa më shpejt për qytetarët.
Aktualisht po funizohen Materniteti i Ri, Sanatoriumi dhe qendrat shëndetësore.
Për pasojë edhe ndeshja mes Dinamos dhe Vllaznisë, e vlefshme për Superligën shqiptare dhe e zhvilluar në stadiumin kombëtar “Air Albania”, është ndërprerë pas pjesës së parë për shkak të mungesës së energjisë elektrike.
Ngjarja mund te precipitoje.Nje nderprerje dritash tek studentet ne 1990 solli permbysjen e Diktatures. Nuk di te them eshte difekt,apo eshte Sabotim.