Një 29-vjeçar në Shkodër është arrestuar për dhunë në familje. I akuzuari është F.M., banues në lagjen “Perash”, që u denoncua se ka ushtruar dhunë ndaj bashkëshortes dhe vajzës së tij të mitur, teksa menjëherë është bërë arrestimi.
Gjithashtu në fshatin Theth të Shkodrës, dy persona M.Sh., 28 vjeç dhe M.Z., 49 vjeç, po hetohen në gjendje të lirë, pasi janë konstatuar duke kryer punime ndërtimi, pa lejet përkatëse.
Hetimet e para janë bërë nga specialistët për Hetimin e Krimeve të Komisariatit të Policisë Shkodër, si rezultat i kontrolleve dhe verifikimeve në terren. Kurse dosjet për të dy rastet i kaluan prokurorisë vendore për veprime të mëtejshme.
