Pas informacioneve të marra, policia e Vlorës ka vënë në pranga shtetasin 49-vjeçar, i cili po kryente punime në një objekt pa leje në vijën bregdetare, në lagjen “Uji i Ftohtë”.
Gjatë kontrollit të ushtruar në këtë zonë, u konstatua se shtetasi A. D. kishte nisur të ndërtonte një objekt pa lejen e organeve kompetente.
“Në vijim të veprimeve, nga specialistët për Hetimin e Krimeve të Komisariatit të Policisë Vlorë u arrestua shtetasi A. D., 49 vjeç, banues në Vlorë, për veprën penale “Ndërtimi i paligjshëm”.
Materialet i kaluan Prokurorisë pranë Gjykatës së Rrethit Gjyqësor Vlorë, për veprime të mëtejshme”, bën me dije policia.
Autoritetet e policisë theksojnë se do të vijojnë më tej aksionet dhe kontrollet për parandalimin, evidentimin dhe ndëshkimin e ndërtimeve pa leje, veçanërisht në zonat urbane dhe ato bregdetare.
p.k\dita
