Një 39-vjeçar ka përfunduar në prangat e policisë së Kukësit, pasi kishte ndërtuar pa leje një objekt për qëllime biznesi, teksa në gjendje të lirë po procedohet edhe një shtetas tjetër.
Si rezultat i kontrolleve dhe i verifikimeve në zonat urbane, kryesisht brenda vijës së verdhë dhe në zona të mbrojtura, me qëllim parandalimin, konstatimin dhe goditjen e paligjshmërive në fushën e ndërtimeve, janë goditur 2 raste të tjera të paligjshmërive në këtë fushë, për të cilat:
-u arrestua në flagrancë shtetasi M. A., 39 vjeç, banues në Kukës, pasi rezultoi se kishte ndërtuar një objekt për qëllime biznesi, pa lejen e organeve kompetente;
-u referuan materialet në Prokurori ku nisi procedimi në gjendje të lirë për shtetasin A. Sh., banues në fshatin Shtiqen, pasi u konstatua se kishte ndërtuar në këtë fshat, një objekt pa lejen e organeve kompetente.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.
p.k\dita
