Jeton Lami, agjent i Forcave Operacionale në Policinë e Shtetit është vënë në pranga pasi akuzohet se ka ndihmuar dhe më pas ka transportuar me automjet të shumëkërkuarin, Ervis Martinaj.
Policia bën me dije se ditën e djeshme Gjykata e Kurbinit ka vendosur ndaj Lamit masën e sigurisë “arrest me burg”, pasi akuzohet për shpërdorim detyre.
Tashmë materialet hetimore në ngarkim të Lamit i kanë kaluar Prokurorisë pranë Gjykatës së Shkallës së Parë Kurbin për veprime të mëtejshme.
Njoftimi i Policisë
Strukturat Hetimore të Drejtorisë Vendore të Policisë Lezhë, në bashkëpunim me Prokurorinë e Rrethit Gjyqësor Kurbin, bënë ndalimin e shtetasit J. L., 28 vjeç, banues në Tiranë, me detyrë punonjës policie (agjent), pranë Drejtorisë së Forcës së Posaçme Operacionale në Policinë e Shtetit.
Pas hetimeve të kryera në kuadër të procedimit penal të vitit 2022, për veprën penale të rrëmbimit të personit, referuar nga strukturat hetimore të DVP Lezhë, pranë Prokurorisë së Rrethit Gjyqësor Kurbin.
Gjykata e Shkallës së Parë Kurbin, me vendimin e datës 23.08.2022, ka caktuar ndaj shtetasit J. L. masën e sigurimit personal “Arrest në burg”, për veprën penale “Shpërdorimi i detyrës”.
Nga hetimet e thelluara rezulton se 28-vjeçari, duke qenë punonjës policie, ka shpërdoruar detyrën duke përkrahur dhe transportuar një person shumë të kërkuar.
Materialet procedurale i kaluan për veprime të mëtejshme, Prokurorisë pranë Gjykatës së Shkallës së Parë Kurbin.
Familja e Ervis Martinaj ka kallëzuar disa ditë më parë, në komisariatin e policisë në Laç se ka humbur çdo kontakt me të shumëkërkuarin e drejtësisë.
Ka qenë nëna e Ervis Martinajt dhe xhaxhai, ata që kanë kryer denoncimin, duke thënë se prej 3 ditësh nuk ka pasur asnjë kontakt fizik dhe as në celularë me djalin e tyre, i cili është në kërkim ndërkombëtar për shumë ngjarje kriminale të ndodhura në vend.
Nëna ka rrëfyer se nuk di se ku djali i saj ndodhet dhe po ashtu informacion për të nuk kanë as të afërmit e tjerë të cilët ruanin kontakte me të shumëkërkuarin.
j.l./ dita
“Shperdorim detyre” apo bashkpuntor me kriminelin!?
Krimineleve ju ka hyre krimbi i pabesise, jane tromaksur nga deshmite e Dumanit.
Lista e krimineleve eshte e gjate, por edhe lista e policeve qe ju kane siguruar kalimet, eshte e gjate.
Ervis Martinaj ka pasur nen komande gjithe komisariatin e Kurbinit. Kete e di cdo njeri.