Kemi siguruar foton e agjentit të Forcave Operacionale, Jeton Lami, i cili ndihmoi dhe transportoi Ervis Martinajn që të arratisej, gjatë kohës që ka qenë në kërkim nga policia.
Jeton Lami për herë të fundit ka lëvizur me makinë me Ervis Martinajn në Durrës e Tiranës, më datë 5 dhe 7 gusht, pamje të cilat janë dokumentuar nga filmime të kamerave të sigurisë.
Gjykata e la pak dite me pare ne burg me akuzën e shpërdorimit të detyrës dhe dekonspirimit të operacioneve policore.
Në seancën gjyqësore të zhvilluar me dyer të mbyllura, agjenti i policisë kyçi gojën para togave të zeza, ndërsa gjyqtari Aurel Arapi pranoi kërkesën e prokurorit Bardhyl Shehu dhe vendosi masën e sigurisë arrest më burg pa afat, ndaj 28-vjeçarit Jeton Lami.
Teksa po hetonte për zhdukjen e të shumëkërkuarit Ervis Martinajt, policia zbuloi se për t’u arratisur, Martinaj ishte ndihmuar edhe agjent i forcave operacionale në Policinë e Shtetit, Jeton Lami, i cili u vu ne pranga më 23 gusht nga policia e Lezhës. I cili deri me tani nuk e ka hapur ende gojen per te rrefyer ate qe di per Martinajn.
Lami u kap nga kamerat e sigurisë së një hoteli në Durrës, ku ka qenë i shoqëruar me Ervis Martinajn. Për herë të parë hetuesit kanë mundur të zbulojnë se më 5 Gusht 2022 Lami e merr Martinajn në zonën e veriut në një automjet luksoz ‘Audi “A8” dhe e transporton atë drejt Durrësit në një hotel në praninë edhe të një vajze ende të paidentifikuar. Më 7 Gusht policia ka imazhin e fundit nga Ervis Martinaj në qytetin e Durrësit dhe të Tiranës tek një hotel ndërsa më 10 Gusht xhaxhai i tij Faik Martinaj ka bërë denoncimin në polici për humbjen e kontakteve me nipin.
Për gjetjen e Martinaj janë kryer një sërë hetimesh nga policia dhe prokuroria, ndërsa një numër personash janë marrë në pyetje përfshi dhe Indrit Doklen i cili nga deklarimet e dëshmitarit të drejtësisë Nuredin Dumani, thuhet se Martinaj kërkonte të vriste për 500 mijë euro.
Nga materialet hetimore të depozituara në masën e sigurisë në gjykatën e Kurbinit rezultojnë dhe dëshmitë e të afërmve të Martinaj mes tyre dhe babait të biznesmenit. Mustafa Martinaj ka kërkuar nga hetuesit të zbardhin edhe pistën e përfshirjes së Indrit Dokles pasi sipas tij dhe familajrëve deklarimi i Dumanit mund të ketë sjellë një hakmarrje të Dokles ndaj djalit të tyre. Vetë Dokle rezulton në listën e të pyeturve nga hetuesit dhe ka mohuar të ketë një përfshirje apo lidhje me këtë ngjarje që po heton prokuroria.
Zhdukja pa lënë gjurmë e Martinajt ka ardhur pas dëshmisë së të penduarit të drejtësisë, Nuredin Dumani gjatë muajit maj në kuadër të operacioni Plumbi i Artë, kohë kur Martinaj u shpall në kërkim nga SPAK.
a.m/dita
Si pak akuza i paskan hedhur shokut te tyre polic projuroret.
Dmth. nje komisar policie ndihmon nje kriminel per tu arratisur, spiunon shoket e tij, ve ne rrezik jetet e kolegeve me veprimet e tij dhe akuzohet vetem per shperdorim detyre.
Sa te moleksur jane krimi dhe pushtetet ketu.
Shpesh mendoj se do ishte shume me qetesi pa shtet fare se dhe kriminelet vete do kishin frike nese nuk ndihmohen nga shteti.
Si pak akuza i paskan hedhur shokut te tyre polic prokuroret.
Dmth. nje komisar policie ndihmon nje kriminel per tu arratisur, spiunon shoket e tij, ve ne rrezik jetet e kolegeve me veprimet e tij dhe akuzohet vetem per shperdorim detyre.
Sa te mpleksur jane krimi dhe pushtetet ketu.
Shpesh mendoj se do ishte shume me qetesi pa shtet fare se dhe kriminelet vete do kishin frike nese nuk ndihmohen nga shteti.
Po, he pra more koqe gazetar kush eshte Jetoni?
Gazetar koqe edhe nga google t’a kishe perkthyer do te ishim sqaruar me shume, toc.