Nuk është një rezidencë spektakolare apo një apartament nën çati luksoze apo një apartament super-modern – është një ngastër toke në Dubai ku do të ndërtohet një rezidencë.
Një copë… rërë në një ishull artificial në Dubai u shit para pak ditësh për 34 milionë dollarë, duke vendosur një shitje rekord.
Parcela prej 24.500 metrash katrorë ndodhet në ‘Jumeirah Bay Island’, një copë tokë në formë kali deti, e aksesueshme me urë nga kontinenti i Dubait. Kjo shumë korrespondon me më shumë se 1300 dollarë për metër katror, sipas firmës së ndërmjetësimit Knight Frank që mbylli marrëveshjen. Blerësi, i cili jeton jashtë Emiratet e Bashkuara Arabe dhe identiteti i të cilit nuk është bërë i ditur, planifikon të ndërtojë një shtëpi pushimi familjare në pronë.
Deri më sot, shitjet më mbresëlënëse kanë qenë kryesisht për vilat spektakolare, apartamentet luksoze dhe ato lloj pronash në përgjithësi. Ky i fundit është një rekord i madh për një parcelë rëre. Prona u ble dy vjet më parë për 5.5 milionë dollarë, sipas kompanive të pasurive të patundshme në Dubai, duke i siguruar pronarit fillestar një fitim neto prej 28.5 milionë dollarë pas shitjes.
Bumi i pasurive të paluajtshme në Dubai është nxitur nga çmimet e larta të naftës, dëshira e njerëzve të pasur në mbarë botën për të “parkuar” pasurinë e tyre në prona të paluajtshme dhe ndjenja se Dubai, me taksat dhe krimin e tij të ulët, është një strehë ideale në kohët e pandemisë dhe luftës. Qytetarët rusë kanë nxituar të blejnë prona në një qytet që ende i mirëpret me krahë hapur, ndërkohë që vizat e reja, të arta për qëndrim afatgjatë po tërheqin njerëz të tjerë të pasur për të investuar në prona në Dubai. Edhe pse Dubai vuante nga mbindërtimi, qyteti tani ka atë që disa sekserë e quajnë “mungesa e pronave”, domethënë mungesë pronash dhe luksoze.
Terreni i shitur javën e kaluar është vetëm një nga 128 të ofruara nga zhvilluesi Meraas Holding duke e bërë atë unike në mesin e mijëra shtëpive të Palm Jumeirah. Rregullat e zhvillimit në zonë parandalojnë që toka të ndahet në pjesë më të vogla, por disa blerës kanë kombinuar shumë parcela për të krijuar hapësirë për shtëpi të mëdha. Pak shtëpi në ishull janë përfunduar. Disa janë në ndërtim e sipër, ndërsa shumë të tjera ende nuk kanë filluar ndërtimin.
o.j/dita
