Gjykata Themelore në Pejë ka caktuar masën e paraburgimit për të dyshuarin, Urim Hyseni, i cili vrau nënën e tij.
Në lidhje me këtë, Klankosova.tv ka siguruar dosjen e Gjykatës, ku ndër të tjera eksperti i gjykatës, Dr. Nysret Pepaj ka deklaruar se ka biseduar me të dyshuarin në lidhje me rastin.
Sipas Pepajt, i dyshuari ka deklaruar se “ndodhin këto raste, kanë ndodhur edhe më përpara dhe nuk kemi çfarë të bëjmë tani.”
Më tej, në dosjen e gjykatës bëhet e ditur se i dyshuari, pasi e ka vrarë nënën e tij ka sulmuar me thikë edhe babain dhe hallën e tij.
Gjykata e arsyeton masën e paraburgimit prej një muaji, duke shtuar faktin se i pandehuri posedon leje qëndrimi në Gjermani ku jeton e vepron, e për më tepër kishte prerë biletën për t’u kthyer më datë 19 prill 2023.
j.l./ dita
