Qeveria do të dyfishoje kuotat për degët prioritare duke ndryshuar serish edhe skemën e financimit për studentët që do ti përzgjedhin. Mësuesia do të marrë mbështetjen më të madhe nga programet e studimit në universitete, për shkak të nevojave për këtë profesion.
Drejtues pranë ministrisë së arsimit tregojnë se prioritet do të jenë profilet e shkencave ekzakte, aty ku mungesat për mësues janë më të mëdha por edhe kërkesat më të ulëta për të ndjekur këtë profesion.
Por ndryshe nga skema fillestare ku çdo student i degëve prioritare merrte bursë deri në mbylljen e studimeve pavarësisht notës mesatares, këtë vit do të jetë ndryshe. Vazhdimësinë e bursës, në vlerën e pagës minimale 40 mijë lekë, do të kenë të sigurt vetëm ata studentë që ruajnë mesataren e lartë gjatë gjithë viteve të shkollës.
Një vit më parë universitetet publike në Tiranë e rrethe raportuan nivelet më të ulëta të frekuentimit të degëve të mësuesisë, me nga 5 deri 7 studentë për degë. Sipas drejtuesve të shkollave të larta as bursat 40 mijë lekë në muaj nuk i joshen të rinjtë, për të ndjekur degën e mësuesisë për shkak të pagesë së ulët të arsimtarit në raport me profesionet e tjera në tregun e punës.
i.b./dita
