Emigrantët kanë sjellë më shumë se 8.2 miliardë euro brenda dekadës së fundit. Ky vit ka regjistruar vlera rekord të remitancave, e sidomos gjatë sezonit veror thotë Banka e Shqipërisë. Por kursi i këmbimit ka pasur ndikim negativ edhe tek këto para, pasi janë më të zhvlerësuara kur këmbehen në lekë.
Rritja e diasporës shqiptare po shton remitancat në vend. Në 9-mujorin e këtij viti është regjistruar një tjetër rekord sa i takon dërgesave të emigrantëve për të afërmit e tyre në Shqipëri. Banka e Shqipërisë thotë se nga janari deri në shtator, vlera e remitancave arriti në 817 milionë euro, ose 45 milionë euro më shumë se e njëjta periudhë vjet.
Vetëm në tremujorin e tretë të vitit që përkon edhe me sezonin veror, dërgesat e emigrantëve përmes transfertave arritën në 285 milionë euro, më e larta e dërguar ndonjëherë në një periudhë tremujore. Por kjo vlerë është shumë më e lartë pasi një pjesë e konsiderueshme parash vjen në cash, për shkak të kthimit të shqiptarëve për pushime në vend.
“Gjatë periudhës u evidentua rritje si në dërgesat përmes kanaleve formale, ashtu edhe në prurjet në cash, duke reflektuar besim të qëndrueshëm të emigrantëve në ekonominë vendase”, thotë Banka e Shqipërisë.
Emigrimi që nga njëra anë është kthyer në problem serioz për tregun e punës, nga ana tjetër po mban me para gati 1/3 e familjeve shqiptare. Vetëm në dekadën e fundit 2015-2025, dërgesat e emigrantëve për të afërmit e tyre kanë arritur në 8.2 miliardë euro duke pasur një kontribut të rëndësishëm edhe në uljen e varfërisë në vend.
Por vlera e remitancave nuk më e njëjtë si para 1 dekade, monedha evropiane është tkurrur me 30%, duke prekur direkt edhe paratë e emigrantëve. Nëse në vitin 2015, euro këmbehej me deri 140 lekë, sot vlera e saj është 96 lekë, duke zhvlerësuar direkt edhe vlerën e remitancave, kur kthehen nga euro në lekë.
DËRGESAT E EMIGRANTËVE
Janar-Shator 2024 772 mln euro
Janar-Shator 2025 817 mln euro
DIFERENCA +45 mln euro
DËRGESAT E EMIGRANTËVE
Korrik-Shator 2024 262 mln euro
Korrik-Shator 2025 285 mln euro
DIFERENCA +23mln euro
Eliza Gjediku – Shqiptarja.com
Kta dergesa erdhen me banke apo me toyota yaris?
30% eshte taksa e pusht-tetit per parane e piset dhe kjo eshte goxha nder per krimin
Nderkohe te vetmit qe paguajne kete katrahure jane ata qe punojne me djerse pra 99% e shqiptareve
Di gje kush se cfar katastrofe ka ndodhur ne BE qe ra euro me 30%?
Apo na thote kush se sa qindra here u rrit eksporti yne dhe prodhimi yne i mbrendeshem qe bllokoi europen dhe si rrjedhoje forcoi lekun me 30%?
Shqiperia ishte goxha me demokratike ne vitet 90 sesa sot
Titulli duhet rifrazuar, “Grabitje masive e Emigranteve, me Kurs Kembimi”. Projektuesi: Banka Qendrore Europiane. Zbatuesi: Banka e Shqiperise dhe drejtues e zbatues projekti Genti Sejko.
Kush perfiton nga renia e euros? Ulje e borxhit publik per te marre borxhe te tjera qe vidhen me tendera? A ka dore Rama ne kembimin e monedhave? Keta qe nuk kane skrupull te vjedhin tendera dhe fonde publike, nuk e kane problem te shtremberojne BSH dhe urdherojne ate kukullen Sejko qe te manovroje monedhat.
SPAK duhet te nxitohet te shpetoje shqiptaret.
Le te fitohen ne cfardo forme jashte, le te vijne si te duan vetem ti sjellin ne Shqiperi, vetem ti perdorin per mire ne vendin tone.
Ato mbi 800 milione Euro qe i paskan numeruar se paskan ardhur nga emigrante ne Shqiperi ne 9 muaj te 2025 as i kane levizur nje milimeter faktet se ky vend eshte me i varferi ne rajon, me rrogat e pensionet me te ultat e me cmimet e artikujve ushqimore me te lartat ne Ballkan.
Pa shkuar me larg, por ne Maqedoni e Mali i Zi ku shqiptaret tashme po mesyjne per tu furnizuar me ushqime qe jane me cmime shume me lire se ne Shqiperi dhe ne kthim mbushin dhe makinat me karburant qe prap andej eshte me lire se ne Shqiperi.
Dikush po mendon që Evropa është në krizë prandaj paska rënë euro. Euro është aty ku ka qenë. Ska rënë asnjë milimetër. Vetem leku është rritë. Leku është rritë, sepse është rritë ekonomia shqiptare. Sa më shumë rritet një ekonomi, aq më shumë forcohet valuta e saj.
Leni budallaqet, e mos ju besoni portaleve të opozitës