Në një kohë që media dhe politika londineze trajton së gjeri çështjen e emigrantëve të paligjshëm shqiptarë, me ngjyresa që janë cilësuar deri edhe përçmuese, në Tiranë, një konferencë shkencore, trajton marrëdhëniet mes Shqipërisë dhe Mbretërisë së Bashkuar në 100 vjetorin e tyre.
Përkimi i konferencës me situatën është rastësi, por ambasadori i tanishëm, Alastair King Smith ndërsa flet për marrëdhënie mes qeverive e popujve, ai theksoi:
“Jam shumë i zhgënjyer nga raportimet negative të kohëve të fundit në mediat e Mbretërisë së Bashkuar, dhe dua të parashtroj pozicionin e qeverisë së Mbretërisë së bashkuar në lidhje me Shqipërinë. Dua të theksoj se ne e vlerësojmë kontributin e komunitetit shqiptar në Britani. Shumica janë atje ligjërisht dhe kontribuojnë ndjeshëm në shoqërinë britanike. Ata meritojnë respekt si çdo minoritet e komunitet dhe kanë të njëjtën mbrojtje nga abuzimi e gjuha e urrejtjes”, është shprehur King Smith.
Ndërsa vlerësoi Shqipërinë në 1 vit të qëndrimit të tij këtu, ai shtoi: Ne duam të frymëzojmë të rinjtë për të ardhmen dhe të krijojmë partneritete të gjata me ndikim pozitiv. Duhet të investojmë më shumë dhe të ndihmojmë komunitetet që të jenë të stabilizuar këtu”.
Diplomati u kërkoi historianëve të jenë të drejtpërdrejtë dhe sfidues ndaj tij dhe qeverisë britanike edhe për kërkesat që mund të kenë.
Në fakt, vetëm pas tre muajve sulme të paprecedentë ndaj shtetasve shqiptarë që kalonin kanalin e La Manshit me gomone, duke rrezikuar jetën, ka reaguar kryeministri i vendit, Edi Rama, duke sulmuar edhe ky autoritetet britanike.
Ndonëse ai më herët i ka garantuar këto autoritete se vendi është i sigurt dhe se shqiptarët nuk kanë ndonjë arsye të largohen. Por prej muajsh drejtuesit e ministrive të brendshme të të dy vendeve kanë sajuar marrëveshje kundër emigrantëve shqiptarë të cilët kanë mësyrë Anglinë masivisht këtë vit, për një jetë më të mirë dhe më të sigurt.
j.l./ dita
Ironike …100 vjetori i marredhenieve (me te futur) me UK …..harrova …qe nga copetimi i territoreve shqiptare ne favor te gjitoneve hijena historikisht…..kjo duhet kujtuar mbi te gjitha
Nuk ke perse te tregphesh i zhgenjyer, se ju anglo-amerikanet kete fytyre hipokrite keni me te gjithe Boten, sidomos me ne Shqiptaret. Hijena te pabesa.
Anglezet gjithmone kane bere politika te pista ne drejtim te shqiptareve. Por mire ja u beri Enver Hoxha kur minoi kufirin detar dhe nje anje angleze u mbyt.Mos i referehoni asaj ngjarje dhe na e thoni te pakten se demshperblimin e keni marre.
kur degjoj dhe lexoj se cthot ky anglezi i sukthit me kujtohet libri”arti i luftes” i perandorit kinez lao tce(??). Beje nje popull te besoj ate qe do ti dhe e ke arrit qellimin.
Enveri jau ka treguar vendin kurdo e kujtdo kur eshte dashur e duhet marr shembull , por Andis duhet ditur qe kanalin e Korfuzit nuk e minoi Ai.