Për të shmangur mbingarkesën pranë pikave të postës, apo bankave të nivelit të dytë, ndarja e shpërblimit prej 5 mijë lekësh të akorduar nga qeveria për pensionistët, po bëhet sipas grafikut të datave të marrjes së pensionit.
Kështu sipas të dhënave të bëra publike, në vetëm dy ditë, 70,319 pensionistë në të gjithë vendin, së bashku me pagesën mujore të pensionit, kanë marrë edhe shtesën prej 5,000 lekësh.
Dhënia e shpërblimit nga qeveria si ndihmë për këtë kategori, erdhi si rezultat i mbledhjes së taksës së jashtëzakonshme mbi furnizuesit privat të energjisë.
Janë rreth 700 mijë pensionistë të të gjitha kategorive të mbuluara nga Instituti i Sigurimeve Shoqërore që do të marrin këtë shpërblim.
“Sjellim në vëmendje se individët që nuk do të mund ta tërheqin brenda muajit kanë të drejtë ta marrin në vazhdimësi, brenda 36 muajve”, bëjnë me dije ekspertët e Institutit të Sigurimeve Shoqërore.
p.k\dita
