Një ngjarje e rëndë ka ndodhur mbrëmjen e së shtunës në Sarandë.
Mësohet se 35-vjeçarja nga Durrësi, Mandolina Jashari është hedhur nga kati i dytë i maternitetit ndërsa fëmija është vetëm një ditësh.
Nëna dhe foshnja janë transportuar në urgjencën e spitalin dhe ndodhen jashtë rrezikut për jetën.
Mësohet se 35-vjeçarja i përket komunitetit rom dhe ky ishte fëmija i saj i gjashtë.
Njoftimi i Policisë:
“Sot, rreth orës 22:00 , dyshohet në kushte depresioni është vetëhedhur nga kati i dytë i maternitetit, Sarandë, shtetasja M. J., 35 vjeçe, së bashku me fëmijën e saj të porsalindur.
Si pasojë janë dëmtuar dhe ndodhen në spital nën kujdesin e mjekëve, momentalisht jashtë rrezikut për jetën. Grupi hetimor ndodhet në vendngjarje dhe po punon për sqarimin e rrethanave të ngjarjes.”
Mjeku në maternitetin në Sarandë, Tajar Lako ka komentuar ngjarjen e rëndë. Ai bëri të ditur se akti ishte një shenjë tentative për t’u larguar nga spitali. Po ashtu, ai sqaron se nëna dhe foshnja ishin në gjendje të mirë shëndetësore para se të ndodhte ngjarja e rëndë.
“Në datën 28 qershor rreth orës 02.20 ka lindur nga një lindje normale. Është fëmija i gjashtë. Lindja ka ecur shumë mirë dhe ka vazhduar në ditët në vazhdim trajtimi i nënës dhe fëmijës nga mjekët përkatës dhe çdo gjë në shëndetin e tyre ishte normale. Që ditën e tretë duke parë kushtet e nënës që duket pak me prapambetje burrin e saj nuk mund ta gjenim se nuk vinte në spital u thashë infermiereve që nëse shihnin burrin e saj të vinte në maternitet ai të kontaktonte me mua. I gjithë stafi ka qenë i përkushtuar për rastin me qumësht, me rroba për fëmijën, të siguruara nga spitali. Duke qenë se këta janë të ardhur në qytet në sezon thjesht për të lypur atëherë unë nuk mund ta nxirrja fëmijën nga materniteti se nuk dija kushtet e banimit dhe ku t’i shpinim”, thotë mjeku.
Ai tregon se ka komunikuar me drejtorin e spitalit dhe më pas i kanë nisur një shkresë zyrës së shërbimit social, ku kanë mësuar se adresa e familjes në fjalë ishte herë në në Durrës, herë në Berat herë në Gjirokastër. Ndërkohë gjendja shëndetësore e nënës dhe fëmijës aktualisht është e mirë.
“I ndodhur në këto kushte komunikoj me drejtorin e spitalit dhe i nisim bashkisë një shkresë zyrës së shërbimit social, madje edhe gojarisht ka folur për rastin edhe shefja e burimeve njerëzore dhe përgjigja e tyre ishte se adresa e tyre rezultonte herë në Durrës, herë në Berat herë në Gjirokastër dhe ne nuk kishim siguri se ku dhe ishim në pritje për të marrë një adresë të saktë se ku mund t’i çonim. Kjo për arsye se unë një fëmijë dy-tre ditësh që ta nxirrja në rrugë me temperaturat 40 të ditës apo të ftohta të natës, pasi këta nuk kanë banesë, nuk mund ta nxirrja. Tani me nënën merret mjeku gjinekolog, mjeku ortoped, reanimatori ndërsa unë merrem me trajtimin e foshnjës. Foshnja gëzon shëndet”, shprehet ai.
Mjeku shpjegon se nëna është zvarritur nga dritarja duke e mbrojtur fëmijën me trup gjë që sipas tij tregon se ajo ka tentuar të largohet nga spitali dhe jo të vetëvritet.
“Nuk pati gjë se nëna pasi është kacavjerrë nga dritarja në shesh është gjetur që e kishte fëmijën të lidhur tek gjoksi dhe barku për ta mbrojtur. Nga çfarë shihet këtu nuk ka pasur tentativë të nënës për t’u vetëvrarë por tentativë për t’u larguar nga spitali” thotë mjeku pediatër Tajar Lako.
j.l./ dita
Shërbim shëndetësor i shkëlqyer ,vlen për tu lavdëruar SARANDA ,në mjergullnajnë e kritikave e sharjeve të shërbimit shëndetësor SOT ! ,mjeku bravo shumë trajtim njerzor,po shteti kapitalistë 30 vjet ka mangësi në trajtimin strehimin ,punësimin e romve ,ata i thurin lëvata kohës Enver Hoxhës ,ai rend nuk la asnjë rom pa shtëpi dhe punë ,edhe ata rom shetitës me çadra nga veriu në jug, bënin tregti bagtishë kuajshë ,ishin shumë të shkathët “shiko kali bardhë syri bardhë merre se e ke me fat !” por kali ishte qorr ,gjithmon mbi çmimin merrnin dhe një pulë ,atë e zienin e hanin për drekë a darkë nën çadër të vendosur në breg të lumejve,në malësi zgjidhnin lëndina malore me një burim afër nuk i ngacmonte askush ,pushteti vendor u siguronte qetësinë ,gratë shtinin fallë ,mbrëmjeve afroheshin njerzit vendas dhe dëgjonin këngën ,muzikën dhe melodinë rome ,shumë të bukura me tekst vajtuese ,që simbolizon vuajtjet dashurinë ,rrotën e çerres .Gratë shtinin fallë ,në këmbim të vezve ,drithit ,miellit ,patateve dhe parave ,gratë rome jan të sakrificës ,kontribonin shumë në familje .fëmijt i lindnin rrugve pa matarnite ,gratë më të vjetrat kryenin rolin e mamisë.