Për t’u ardhur në ndihmë të gjithë besimtarëve myslimanë që do të kryejnë ritin e faljes me rastin e Fiter Bajramit, Bashkia e Tiranës ka vendosur në dispozicion të tre parkingjet e kryeqytetit, përdorimi të cilave do të jetë falas.
Kështu, ditën e nesërme, me 21 prill, për faljen e besimtarëve, tre parkingjet në kryeqytet do të jenë falas, në mënyrë që ata të mund ta kryejnë ritualin e faljes pa asnjë pengesë.
Sipas autoriteteve të Bashkisë së Tiranës, parkimi te “7 Xhuxhat”, te sheshi “Skënderbej” dhe te “Bulevardi i Ri” do të jenë pa pagesë nga ora 5:00 -9:00 të mëngjesit.
Ky muaj ka qenë një muaj solidariteti në Tiranë, ku bashkia nga ana e saj ka organizuar aktivitete të shumta sociale.
p.k\dita
